Нәрібаев Бекжасар

НӘРІБАЕВ Бекжасар (1.1.1943 ж. т., Жамбыл ауданы Амангелді ұжымшары) – ғалым, дипломат. Қазақ ұлттық ун-тін бітірген (1968). Биол. ғыл. кандидаты. 1959 – 63 ж. Бетпақдала тәжірибе ст-нда лаборант, 1971 – 79 ж. Қазақ ұлттық ун-тінде аға оқытушы, доцент, кафедра меңгерушісі, 1979 – 80 ж. АҚШ-тағы Калифорния ун-тінде стажер-зерттеуші, 1986 – 87 ж. Қазақ КСР сауда өнеркәсіп палатасы төрағасының орынбасары, 1987 – 91 ж. Қазақ қыздар пед. ин-тында доцент, кафедра меңгерушісі, 1991 – 92 ж. ҚР Сыртқы істер министрлігі Таяу және Орта Шығыс басқармасының 2-хатшысы, 1992 – 99 ж. ҚР-ның Түркиядағы Елшілігінің 1-хатшысы, ҚР Сыртқы істер мин-гінің Мамандар мен оқу орындары басқармасының бастығы, министрліктің Әкімшілік және бақылау департаменті директоры, ҚР Сыртқы істер министрлігінің вице-министрі, 1999 жылдан ҚР-ның Пәкстан Ислам Республикасындағы Төтенше және Өкілетті елшісі. «Қазақстан Республикасының тәуелсіздігіне 10 жыл» медалімен марапатталған.