Облыс (иелік)

Облыс (ескі славянша облада – иелік) – жергілікті жер, өлке; аудандау кезінде белгілі бір мәні бар белгілері (табиғи жағдайлары, тарихи қалыптасқан дәстүрі, этникалық немесе экономикалық ерекшеліктері, әкімшілік-саяси мәні, т.б.) бойынша бөлінетін қандай да бір аумақтың (табиғи өңір, мемлекет, құрлық, шартты түрде алынған жер, т.б.) бөлігі; сондай-ақ табиғи нысандарының таралуы (зоогеогр. облыс, флоралық облыс, геосинклиналдық облыс, т.б.) бойынша анықталатын географиялық кеңістік (белдем, белдеу). Облыс – Қазақстан мемлекетінің бірінші деңгейдегі әкімшілік-аумақтық бірлігі. Қазақстан Республикасы әкімшілік бөліністе 14 облыстан тұрады (2005).^[1]