Мазмұнға өту

Ойыншықтар хикаясы 5

Уикипедия — ашық энциклопедиясынан алынған мәлімет
Ойыншықтар хикаясы 5
ағылш. Toy Story 5
Сурет
Мультфильм түрі

компьютерлік

Жанры
Приквелі

«Ойыншықтар хикаясы 4» (2019)

Режиссёрі

Эндрю Стэнтон

Продюсерлері
  • Пит Доктер (атқарушы)
  • Джонас Ривера (атқарушы)
  • Линдси Коллинз
  • Джессика Чой
Сценарийдің авторлары

Эндрю Стэнтон (сюжет/сценарий)
Кенна Харрис

Қоюшы суретші

Боб Поли

Рөлді дыбыстағандар
Композиторы

Рэнди Ньюман

Операторы

Мэтт Оспбери
Жан-Клод Калаш

Студия

Walt Disney Pictures
Pixar Animation Studios

Мемлекет

 АҚШ

Дистрибьюторы

Walt Disney Studios Motion Pictures

Тілі

ағылшын

Ұзақтығы

102 мин

Премьера

19 маусым 2026

Бюджеті

$ 250 млн[1]

Кассалық түсімі

$ 312 млн[2][3]

IMDb

ID 29355505

«Ойыншықтар хикаясы 5» (ағылш. Toy Story 5) — Pixar Animation Studios студиясы әзірлеп жатқан америкалық толықметражды компьютерлік-анимациялық комедиялық-шытырман оқиғалы фильм. Бұл — «Ойыншықтар хикаясы» франшизасының бесінші бөлімі және «Ойыншықтар хикаясы 4» (2019) мультфильмінің жалғасы. Фильмнің режиссері әрі сценарийшісі — Эндрю Стэнтон. Кейіпкерлерді дыбыстауға Том Хэнкс, Тим Аллен, Джоан Кьюсак, Эрни Хадсон, Конан О’Брайен және Анна Фэрис қатысты.

2019 жылдың ақпанында Аллен «Ойыншықтар хикаясы» фильмінің бесінші бөлімін жасауға қызығушылық танытты. Сол жылдың мамыр айында Хэнкс «Ойыншықтар хикаясы 4» франшизаның қорытынды бөлімі болады деп мәлімдегенімен, бесінші бөлімді шығару мүмкіндігі бәрібір ашық қалды. Жобаның әзірленіп жатқаны 2023 жылдың ақпанында ресми түрде расталды, ал Хэнкс пен Аллен өз кейіпкерлерін дыбыстауға қайта оралды. 2024 жылдың маусымында Стэнтонның туынды режиссері болып тағайындалғаны белгілі болды, ал екі айдан кейін оның сценарий де жазатыны расталды. Бұл — франшизаның тең автор Джон Лассетердің қатысуынсыз жасалған алғашқы мультфильмі; 2018 жылдың соңында ол режиссерлік өкілеттігін тапсырып, Pixar студиясынан кеткен болатын.

«Ойыншықтар хикаясы 5» мультфильмінің премьерасы 2026 жылдың 9 маусымында өтті, ал үлкен экрандарға 19 маусымда шықты.

Сюжеті

[өңдеу | дереккөзін өңдеу]

Вуди тастанды ойыншықтарға иелерін табуға көмектесу үшін Бонниді тастап кеткеннен кейін, Джесси оның бөлмесіндегі ойыншықтар тобына жетекшілік етті, ал Базз Лайтер оның көмекші командирі ретінде қызмет атқарады. Соған қарамастан, сегіз жасар Бонни өзінің жаңа сүйікті ойыншығына — «Лилипад» деп аталатын бақа тәрізді планшетке бауыр басып қалды.[4][5]

Рөлдерді дыбыстағандар

[өңдеу | дереккөзін өңдеу]
Бұл санаттың басты мақаласы: Ойыншықтар хикаясы франшизасы кейіпкерлерінің тізімі.
Актер Кейіпкер Сипаттамасы Дер.
Том ХэнксШериф ВудиКовбой-ойыншық
Тим АлленБазз ЛайтерҒарыш рейнджері-ойыншық
Джоан КьюсакДжессиКовбой-ойыншық
Грета ЛиЛилипадАқылды планшет, басты теріс кейіпкер
Блейк КларкСпиралькаТақса-серіппе
Джон РатценбергерХэммШошқа-ақшажинағыш
Тони ХейлВилкинсҚоқыстан жасалған ойыншық
Конан О’БрайенУмные БрюкиТүбекке отыруды үйрететін ескі гаджет
Крэйг РобинсонАтласСөйлейтін бегемот-навигатор
Шелби РабараСнэппиОйыншық сандық камера
Скарлет СпирсБонниОйыншықтардың иесі қыз бала
Майкал-Мишель ХаррисБлейзЖануарларды жақсы көретін 8 жасар қыз
Мэтти МэтисонДоктор НаткейсТехникадан қорқатын жержаңғақ-ойыншық
Уоллес ШонРексТираннозавр-ойыншық
Джефф БергманКартоп бас мырзаОйыншық
Анна ВочиноКартоп бас ханымОйыншық
Энни ПоттсБо ПипТүнгі шам-ойыншық
Бонни ХантДоллиШүберек қуыршақ
Мелисса Вильясеньор (ағыл.)қаз.Карен БеверлиҚоқыстан жасалған ойыншық
Джон ХопкинсКолючкаКірпі-ойыншық
Кристен ШаалТриксиТрицератопс-ойыншық
Эрни ХадсонЖауынгер КарлG.I. Joe-фигурасы
Киану РивзДюк БубумсПластикалық каскадёр-ойыншық
Лори АланАндерсон ханымБоннидің анасы
Джей ЭрнандесАндерсон мырзаБоннидің әкесі
Анна Фэрис—Белгісіз рөл

Қазақша дубляж

[өңдеу | дереккөзін өңдеу]

Қазақстанда фильм 2026 жылдың 18 маусымында кінотеатрларға «Ойыншықтар хикаясы 5» деген ресми атаумен прокатқа шықты.[9] Туындының мемлекеттік тілдегі ресми дубляжын «Disney Character Voices International» компаниясының тапсырысымен Алматы қаласында орналасқан «MovieDalen» дыбыс жазу студиясы дайындады.

Өндіріс және актерлік құрам

[өңдеу | дереккөзін өңдеу]

Дубляж процесі бір айға созылған қарқынды шығармашылық жұмысты қамтыды. Жоба Walt Disney Pictures компаниясының халықаралық контентті жергілікті тілдерге бейімдеу бағдарламасы аясында тікелей шетелдік студияның қаржыландыруымен жүзеге асты. Қазақ тілді локализацияның шығармашылық жетекшісі болып дубляж режиссері Шах-Мұрат Ордабаев бекітілді. Ол режиссерлік қызметпен қатар, туындыдағы танымал Рекс динозаврының кейіпкерін өзі дыбыстап шықты.[10]

  • Режиссері әрі шығармашылық жетекшісі — Шах-Мұрат Ордабаев
  • Дыбыс операторы және микс-студия — «MovieDalen»

Ролдерді дубляждағандар:

Өндірісі

[өңдеу | дереккөзін өңдеу]

Әзірлеу

[өңдеу | дереккөзін өңдеу]

2020—2022 жылдар аралығында COVID-19 пандемиясы мен оның кино өндірісіне және прокатқа тигізген әсеріне байланысты, сондай-ақ басқа да себептермен Pixar студиясы анимациялық фильмдерін прокатқа шығара алмады. «Алға» мультфильмі кинотеатрларға жеткенімен, індеттің таралуына байланысты тез арада үйден көру форматына ауыстырылды, ал «Жан», «Лука» және «Мен қызармын» туындылары кинотеатрларға мүлдем шықпай қалды, бұл олардың табыстылығын айтарлықтай төмендетті.[11] Экранға шыққан «Базз Лайтер» мультфильмі де кассада сәтсіздікке ұшырады.[12] Осы жағдай мен басқа анимациялық студиялардың кассалық хиттерді ұсынудағы жетістіктері аясында, Pixar студиясының иесі — Disney компаниясы өз анимациялық студияларын қайтадан табыс әкелуге мәжбүрлейтін жоспар құруға тиіс болды. Осы тұрғыда 2023 жылдың ақпанында Disney акционерлерімен кездесуде компанияның бас директоры Боб Айгер алдағы жылдары Disney мен Pixar анимациялық студиялары қауіпсіз инвестиция болып табылатын сәтті франшизаларға назар аударатынын мәлімдеді және ерекше табысты франшизалардың үш жалғасын шығаратынын жариялады: олар — Disney студиясынан «Мұзды өлке 3» пен «Зоотопия 2» және Pixar студиясынан «Ойыншықтар хикаясы 5». Бұл мультфильмдердің алдыңғы бөлімдерінің әрқайсысы миллиард доллардан астам табыс тауып, «Оскар» сыйлығына ұсынылған немесе оны жеңіп алған болатын.[13] Сонымен қатар Айгер компанияның 7000 қызметкерін жұмыстан шығаратынын хабарлады, бұл Disney-ге 5,5 миллиард доллар үнемдеуге мүмкіндік береді деп күтілуде.[14]

Кастинг

[өңдеу | дереккөзін өңдеу]

2023 жылдың 9 ақпанында Тим Аллен бұған дейінгі «Базз Лайтер» спин-оффында бұл кейіпкерді Крис Эванс дыбыстағанына қарамастан, осы фильмдегі Базз Лайтер рөлін дыбыстауға қайта оралатынын растады.

Музыкасы

[өңдеу | дереккөзін өңдеу]

Рэнди Ньюман «Ойыншықтар хикаясы 5» фильмінің саундтрегін жазуға қайта оралды, ол бұған дейін алғашқы төрт бөлімнің де музыкасын шығарған болатын.[15] 1 маусымда, көптеген болжамдардан кейін,[16][17][18] Тейлор Свифт фильмге арналған «I Knew It, I Knew You» атты өзіндік әнін таныстырды. Бұл туындыны Свифт пен Джек Антонофф бірлесіп жазып, продюсерлік еткен. Әннің тұсаукесері 2026 жылдың 5 маусымында өтті.[19][20]

Премьера және пікірлер

[өңдеу | дереккөзін өңдеу]

Мультфильмнің премьерасы 2026 жылдың 19 маусымында өтті.[21]

IGN басылымынан Клинт Гейдж туындыға 10-нан 7 ұпай беріп, мультфильмнің соңын жоғары бағалады.[22] The Guardian-нан Питер Брэдшоу жобаға 5-тен 2 жұлдыз қойып, франшизаның өз-өзін тауысқанын жазды.[23] The A.V. Club-тан Джесси Хассенджер «Ойыншықтар хикаясы 5» мультфильміне «B+» деген баға беріп, ондағы ұшқыр әзілдерді ерекше атап өтті.[24] Variety-ден Оуэн Глейберман бұл туындыны киносерияның тамаша аяқталуы деп санауға болады деген пікір білдірді.[25]

Дереккөздер

[өңдеу | дереккөзін өңдеу]
  1. ↑ Rubin, Rebecca. Box Office: ‘Toy Story 5’ Eyes Record $150 Million-Plus Opening Weekend (ағыл.). Variety. Penske Media Corporation. (17 маусым 2026). Басты дереккөзінен мұрағатталған 17 маусым 2026. Тексерілді, 21 маусым 2026.
  2. ↑ Toy Story 5. Box Office Mojo. Тексерілді, 21 маусым 2026.
  3. ↑ Toy Story 5 (2026) - Financial Information. The Numbers. Тексерілді, 21 маусым 2026.
  4. ↑ Roxborough, Scott Pixar Gives First Look at 'Toy Story 5,' Teases New Original 'Gatto' at Annecy. The Hollywood Reporter. (13 маусым 2025). Тексерілді, 13 маусым 2025.
  5. ↑ Taylor, Drew First Footage From Pixar's 'Toy Story 5' Is Completely Unbelievable. TheWrap. (13 маусым 2025). Тексерілді, 13 маусым 2025.
  6. 1 2 3 4 5 6 7 8 9 10 11 12 13 14 15 16 17 18 19 20 21 22 23 24 'Toy Story 5': Meet the Voices Behind Each Animated Character (ағыл.). The Hollywood Reporter. Тексерілді, 25 маусым 2026.
  7. ↑ Greta Lee Joins 'Toy Story 5' as Dream Role (ағыл.). The Chosun Daily. Тексерілді, 25 маусым 2026.
  8. ↑ Conan O'Brien talks 'Toy Story 5' (ағыл.). Good Morning America. Тексерілді, 25 маусым 2026.
  9. ↑ Таңшолпан Бегалықызы «Ойыншықтар хикаясы 5» мультфильмі прокатқа шықты. Baribar.kz. (18 маусым 2026). Тексерілді, 25 маусым 2026.
  10. ↑ Назерке Өтеген «Ойыншықтар хикаясы 5» қазақ тілінде көрерменге жол тартты. Qazaqstan. (19 маусым 2026). Тексерілді, 25 маусым 2026.
  11. ↑ Anthony D'Alessandro, Pixar’s ‘Turning Red’ Skips Theaters & Heads To Disney+, January 7, 2022, Deadline
  12. ↑ Anthony D'Alessandro, Pixar’s ‘Turning Red’ Skips Theaters & Heads To Disney+, January 7, 2022, Deadline
  13. ↑ Anthony D'Alessandro, Pixar’s ‘Turning Red’ Skips Theaters & Heads To Disney+, January 7, 2022, Deadline
  14. ↑ Anthony D'Alessandro, Pixar’s ‘Turning Red’ Skips Theaters & Heads To Disney+, January 7, 2022, Deadline
  15. ↑ Randy Newman Scoring Pixar's Toy Story 5. Film Music Reporter. Тексерілді, 19 ақпан 2026.
  16. ↑ Willman, Chris ‘Toy Story’ or Tay Story? Easter Eggs in New ‘TS’ Billboard Campaign Heighten Fans’ Belief That Taylor Swift Is Involved in Pixar Sequel. Variety. (29 мамыр 2026). Тексерілді, 31 мамыр 2026.
  17. ↑ Garner, Glenn 'Toy Story 5' Has Swifties Speculating With 'TS' Billboard. Deadline Hollywood. (30 мамыр 2026). Тексерілді, 31 мамыр 2026.
  18. ↑ Why fans are convinced Taylor Swift could be joining Toy Story 5. The Independent. (31 мамыр 2026). Тексерілді, 31 мамыр 2026.
  19. ↑ Legaspi, Althea Taylor Swift Will Return to Country Roots on New Song 'I Knew It, I Knew You' for 'Toy Story 5' (ағыл.). Rolling Stone. (1 маусым 2026). Тексерілді, 1 маусым 2026.
  20. ↑ Taylor Swift Announces New Song 'I Knew It, I Knew You' for Disney and Pixar's 'Toy Story 5' (ағыл.). The Walt Disney Company. (1 маусым 2026). Тексерілді, 1 маусым 2026.
  21. ↑ Couch, Aaron. Disney Sets Toy Story 5, Mandalorian & Grogu for 2026, Delays Live-Action Moana by a Year. The Hollywood Reporter. (5 сәуір 2024). Басты дереккөзінен мұрағатталған 7 сәуір 2024. Тексерілді, 9 наурыз 2025.
  22. ↑ Gage, Clint Like Woody, Buzz and the Rest of the Gang, Pixar’s Latest in Its Unending Series of Toy Story Movies Eventually Finds a Reason to Exist (ағыл.). IGN. (16 маусым 2026). Тексерілді, 19 маусым 2026.
  23. ↑ Bradshaw, Peter. Toy Story 5 review – Pixar franchise needs new batteries  (ағыл.) (16 маусым 2026).
  24. ↑ The fifth time is still pretty charming in a tech-forward Toy Story (ағыл.). AV Club. Тексерілді, 19 маусым 2026.
  25. ↑ Gleiberman, Owen ‘Toy Story 5’ Review: The Fifth Time’s the Charm in a Nimble, Moving, Irresistible Sequel That Takes on the Threat of Tech Toys (ағыл.). Variety. (16 маусым 2026). Тексерілді, 19 маусым 2026.
«https://kk.wikipedia.org/w/index.php?title=Ойыншықтар_хикаясы_5&oldid=3622745» бетінен алынған