Оксфорд Сити
 Оксфорд Сити | |||
 | |||
| Толық атауы |
Oxford City Football Club | ||
|---|---|---|---|
| Құрылған жылы |
1882 | ||
| Стадионы |
The MGroup Stadium, Court Place Farm, Marsh Lane, Марстон | ||
| Сыйымдылығы |
3100 | ||
| Атқарушы директоры |
Andy Sinnott | ||
| Бас жаттықтырушы |
Ross Jenkins | ||
| Сайты | |||
| Жарыс |
National League North | ||
| 2024/2025 |
19 орын | ||
| Формасы | |||
| |||
 National League North | |||
«Оксфорд Сити» (ағылш. Oxford City Football Club;) — Англиядағы Оксфорд қаласының қасында орналасқан Марстон ауылының жартылай кәсіби футбол клубы. Команда National League North лигасында ойнайды.
Тарихы
[өңдеу | дереккөзін өңдеу]Алғашқы жылдар
[өңдеу | дереккөзін өңдеу]Клубтың алғашқы ресми ойыны 1884 жылдың 15 наурызында Thame Grammar School алаңында өтті, нәтиже – 4:2 есебімен жеңіліс. Келесі он жылдан астам уақыт бойы ойындар тұрақты өтпеді, 1886 бен 1893 жылдар аралығында мүлде кездесу өткізілмеді. Алайда клуб 1897 жылы қайта ұйымдастырылып, қалпына келтірілді және көп ұзамай Оксфордширдегі жетекші клубқа айналды. 1906 жылы FA Amateur Cup жүлдесін жеңіп алды, келесі жылы Isthmian League құрамына кірді.
Құлдырау кезеңі
[өңдеу | дереккөзін өңдеу]20 ғасырдың екінші жартысында клубтың жағдайы нашарлады. 1979 жылы клубты табысқа қайта жеткізуге әрекет жасалды. Ол үшін клубты акционерлік қоғамға айналдырды. Кейінірек әлем чемпионы, Англия құрамасының капитаны Бобби Мур менеджер болып тағайындалды, ал оның Вест Хэм Юнайтед клубындағы бұрынғы әріптесі Харри Реднапп көмекшісі болды. 1988 жылы клуб тарихындағы ең қиын кезеңді бастан кешті. Жалға алған White House Ground алаңының иелері жерді тұрғын үй құрылысына сатты. Осыған байланысты клуб Isthmian League құрамынан шығып, жоғары деңгейлі футболға тек 1990 жылы қайта оралды.
1990–2000 жылдар
[өңдеу | дереккөзін өңдеу]
1993 жылы клуб қазіргі алаңына көшіп, қайтадан Isthmian League-ке оралды. 1990-жылдары клуб осы лига дивизиондарында табысты өнер көрсетіп, 1995 жылы FA Vase финалына жетті. Келесі онжылдықтағы басты жетістіктер – екі маусым бойы Isthmian League Premier Division құрамында ойнау және 1999–2000 жылдардағы тарихи Англия кубогындағы жорығы. Ол үш ойынға созылған Уиком Уондерерспен тартысты қарсыласумен аяқталды. Ақырында, Оксфорд Сити 1:0 есебімен Oxford United’s Manor Ground алаңында жеңілді. Бірінші қарымта ойында пенальти сериясы басталар алдында өрт дабылы қосылып, матч тоқтатылған еді[1]. Бұл Англия кубогы тарихында екінші қарымта ойынға кеткен жалғыз кездесу болып қалды.
Жаңа кезең
[өңдеу | дереккөзін өңдеу]2005 жылы клуб Spartan South Midlands League-ке төмендетілді, бірақ бірден қайта көтерілді. Менеджер Энди Лайн командаға чемпиондық пен Premier Cup жүлдесін әкелді.
2006 жылы Лайн директор қызметіне ауысып, оның орнына Джастин Мерритт ойыншы-менеджер болды, көмекшісі бұрынғы Оксфорд Юнайтед ойыншысы Майк Форд еді. 2009 жылы Мерритт қызметін тоқтатып, Форд бас бапкерлікке келді.
2008 жылдың 3 мамырында Оксфорд Сити Southern League Division One South and West дивизионынан 1:0 есебімен Аксбридж клубын жеңіп, жоғарылатылды. Келесі маусымда Premier Division-да 6-орын алып, плей-оффқа аз ғана жетпей қалды[2].
2011–12 маусымында клуб екінші орын алып, плей-офф финалында Тоттон клубын жеңіп, тарихында алғаш рет Conference North-қа шықты. Алғашқы маусым табысты өтті, клуб 10-шы орында маусымды аяқтады. Келесі маусымда клуб ойыншыны заңсыз ойнатқан үшін 3 ұпайдан айырылып, құлдырау аймағына түсті. Бірақ Воксхолл Моторс клубы лига құрамынан шыққаннан кейін Оксфорд Сити лигада өз орнын сақтап қалды. Маусым соңында Майк Форд қызметінен кетті.
2014 жылы мамырда Джастин Мерритт қайтадан менеджер атанып, көмекшісі Дэнни Николлс болды. 2015–16 маусымынан бастап клуб Conference North-тан Conference South-қа ауысты (кейін National League South деп аталды).
Қазіргі жылдар
[өңдеу | дереккөзін өңдеу]2017–18 маусымында клуб Англия кубогында бірінші рет кәсіби команданы (1:0 есебімен Колчестер Юнайтед клубын[3]) жеңді. 47 жылдан кейін алғаш рет екінші раундқа шығып, Ноттс Каунти командасына қосымша уақытта ұтылды. Маусым соңында 15 жылдан кейін алғаш рет Oxfordshire Senior Cup-ты жеңді.
2018–19 маусымында тағы да Англия кубогының бірінші раундына жетті, бірақ қарымта ойында Транмир Роверске жол берді[4]. Дегенмен, олар Oxfordshire Senior Cup жүлдесін сақтап қалды.
2019 жылы қазанда Марк Джонс қызметінен кетті. Оның орнына уақытша Джастин Мерритт пен Энди Баллард келді. Клуб бүгінде FA Charter Standard Community Club мәртебесіне ие және 37-ден астам команданы (ерлер, әйелдер, ұлдар және қыздар) қамтиды.
2023 жылдың 14 мамырында Оксфорд Сити тарихында алғаш рет ағылшын футболының бесінші деңгейіне – National League-ке көтерілді[5]. Олар плей-офф жартылай финалында Уортинг клубын 2:0 есебімен, ал финалда Сент Олбанс Ситиді 4:0 есебімен жеңді. Алайда 2023–24 маусымында бес ойын қалғанда клуб қайтадан алтыншы лигаға түсіп қалды[6].
Жетістіктері
[өңдеу | дереккөзін өңдеу]Лига
- National League South (6 деңгей)
- Плей-офф жеңімпазы: 2023
- Southern Football League (7 деңгей)
- Плей-офф жеңімпазы: 2012
- Southern Football League, Division One South & West (8 деңгей)
- Плей-офф жеңімпазы: 2008
- Spartan South Midlands Football League, Premier Division (9 деңгей)
- Чемпион: 2005–06
- Spartan South Midlands Football League, Premier Division
- Чемпион: 1992–93
- Isthmian Football League, Division One
- Чемпион: 1995–96
Кубок
- FA Amateur Cup
- Жеңімпаз: 1905–06
- Tournoi de Pâques du Stade Français
- Жеңімпаз: 1921[7]
- Oxfordshire Senior Cup
- Жеңімпаз (36)
Дереккөздер
[өңдеу | дереккөзін өңдеу]- ↑ Staniforth, Tommy. Fire at Wycombe calls halt to Cup tie (ағыл.), The Independent (10 November 1999).
- ↑ Oxford City. Football Club History Database.
- ↑ Johnson, Jack. Oxford City stun Colchester United in Emirates FA Cup (4 November 2017).
- ↑ Roberts, James. Oxford City 0, Tranmere Rovers 2 (20 November 2018).
- ↑ Metcalfe, Neil Rampant Oxford City win National League South play-off final against sorry Saints (ағыл.) (14 May 2023).
- ↑ AFC Fylde 2–1 Oxford City: Hoops relegated from National League after defeat (ағыл.). BBC Sport (23 March 2024).
- ↑ International Tournaments (Paris) 1904–1935. Rec.Sport.Soccer Statistics Foundation.