Октябрьдің 20 жылдығы және Жезқазған ауданының тау-кен байлығы (мақала)

Уикипедия — ашық энциклопедиясынан алынған мәлімет
Jump to navigation Jump to search

Октябрьдің 20 жылдығы және Жезқазған ауданының тау-кен байлығыҚаныш Сәтбаевтың 1937 жылы жазған мақаласы. Қазақстандағы индустрияның ірі ошағы болып табылатын Жезқазған комбинатының жетістіктері мен кемел келешегі туралы сөз қозғайды. Қазан революциясына дейін мұнда шет мемлекет концессионерлері иелік етіп, Жезқазғанның кенін дұрыс зерттемегенін, оның өндірісін толықтай іске қоспатанын сөз етеді.

Мұндағы мыс кенінің үлкен қорын әр жылдармен салыстыра келіп, Жезқазған кенінің кем дегенде 5-6 млн. тоннаға дейін мыс бере алатынына сендіреді. Бұл өлкеде мыстан басқа марганец, темір кентастарының мол коры барын анықтап ашып, бұл кен байлықтары Жезқазғанды Қазақстандағы және Кеңес Одағындағы алдыңғы қатарлы индустриялды аудандардың қатарына қосатынын айтып, мақаласын аяқтайды. Мақала «Қызыл кенші» газетінің 1937 жылғы 7-қарашадағы санында және «Қазақстан - менің отаным» (1999) жинағында жарияланды.[1]

Дереккөздер[өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8