Октябрь және Қазақстан ғылымы (жинақ)

Уикипедия — ашық энциклопедиясынан алынған мәлімет
Навигацияға өту Іздеуге өту

Октябрь және Қазақстан ғылымы - 1967 жылы Алматы қаласындағы «Ғылым» баспасынан орыс тілінде жарық көрген жинақ, көлемі 39 баспа табақ.

Қазан революциясының 50 жылдығына арналған. Бас редакторы - Ш.Есенов. Жинақта 50 жыл ішінде Қазақстан ғылымының құрылуы мен даму жолы баяндалған. Кітаптағы мақала авторлары - Қазақстан ғылым академиясының академиктері, мүшелері және басқа да көрнекті ғалымдар.

Мақалаларда заманауи зерттеулерге талдау жасау және талдап қорытуға, ғылым ойлаудың болашақтағы бағыттарына, ғылыми-зерттеу мекемелерімен өндірістің шығармашылық байланысын нығайтуға баса назар аударылған. Жинақта академик Есеновтың «Қазақстан ғылымының көкжиегі» мақаласы, физика-математикалық ғылым саласынан 13 адам, әлем және жер туралы ғылымнан 15 адам, химия-технология ғылымынан 10 адам, биология ғылымынан 15 адам және қоғамдық ғылымдардан 11 адамның мақалалары жарияланған.

Сондай-ақ академик Қаныш Имантайұлы Сәтбаевтың Қазақстан Ғылым Академиясын құрып, академик болып сайланғаны айтылған, ғылымның әр саласына сіңірген еңбегіне жан-жақты баға берілген. Академияның Сәтбаев бастаған 69 академигі мен КСРО Ғылым Академиясының академиктері: В.Л.Комаров, С.И.Вавилов, И.П.Бардин, И.В.Курчатов, В.А.Обручев, И.И.Мещанинов, А.М.Панкратовалардың фотосы, тағы басқа суреттер берілген.[1]

Дереккөздер[өңдеу | қайнарын өңдеу]

  1. Қаныш Сатпаев. Энциклопедия / Бас редактор Б.Ө.Жақып. — Алматы «Қазақ энциклопедиясы», 2011 жыл. ISBN 9965-893-74-8