Олег Анатольевич Саленко

Уикипедия — ашық энциклопедиясынан алынған мәлімет
Jump to navigation Jump to search
Олег СаленкоФутбол
O.Salenko.JPG
Жалпы мағлұмат
Толық аты Олег Анатольевич Саленко
Туған күні 25 қазан 1969(1969-10-25) (49 жас)
Ленинград, КСРО
Азаматтығы КСРО КСРО
Flag of Ukraine.svg Украина
Flag of Russia.svg Ресей
Бойы 182
Салмағы 75
Позиция шабуылшы
Клуб жайлы ақпарат
Клуб карьерасын аяқтаған
Карьера
Жастар клубы
КСРО ДЮФК Дружба
КСРО Смена (Ленинград)
Клуб карьерасы*
1985—1988 КСРО Зенит (Ленинград) 47 (10)
1989—1991 КСРО Динамо (Киев) 85 (21)
1992 Украина Динамо (Киев) 16 (7)
1992—1994 Испания Логроньес 47 (23)
1994—1995 Испания Валенсия 25 (7)
1995—1996 Шотландия Рейнджерс 16 (7)
1996—1998 Түркия Истанбулспор 21 (11)
1999 Испания Кордова 3 (0)
2000—2001 Польша Погонь (Щецин) 1 (0)
1985—2001 Барлығы 248 (86)
Ұлттық құрамы**
1990—1991 КСРО КСРО (олимп.) 3 (0)
1992  Украина 1 (0)
1993—1994  Ресей 8 (6)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Олег Анатольевич Саленко (25 қазан 1969, Ленинград, КСРО) — КСРО, Украина, Ресей футболшысы, Футболдан 1994 жылғы әлем біріншілігінің үздік мергені (6 гол).

Карьерасы[өңдеу]

Әкесі украин, анасы орыс. Өзін КСРО-лықпын есептейді[1]. "Зенит" сапындағы алғашқы матчын 16 жасында өткізген. Алғашқы матчында-ақ ленинградтық "Динамо" клубының қақпасына гол соғып, жанкүйерлердің жүрегін тез жаулап алды. Бірақ жанкүйерлер оның 1989 жылы Киевтің "Динамосына" ауысуына наразылық білдірді де, онысын сатқындық деп есептеді. Жанкүйерлердің осы наразылығы жолын байлағандай, Олег "Динамо" сапында кіл жұлдыздардың көлеңкесінде қалып, оншалық жарқырай алмады.

1992 жылы азырақ уақыт "Тоттенхэм" клубының оқу-жаттығу жиындарына қатысты. Бірақ ол жақта ойнауға құжаттары сәйкес келмей, Испаниядағы аутсайдер клубтардың бірі "Логроньеске" ауысты. Кейін "Валенсия", "Рейнджерс" секілді атақты командаларда доп тепті.

Ұлттық құрама сапындағы тарихы оншалық бай емес. КСРО олимпиадалық құрамасында үш матчта алаңға шықты. 1992 жылы КСРО тарқаған соң Украина құрамасында бір ойын өткізді. Ойын өткізіп қана қоймай, капитан ретінде алаңға шықты да, Украина құрамасының тұңғыш капитаны ретінде тарихта қалды. Кейін Ресей құрамасында ойнауға ниет білдіріп, оған ФИФА рұқсат берді (өйткені, Украинамен өткізген матч ресми саналмағандықтан, ФИФА есебіне кірмейді екен).

Ресей құрамасы сапында ӘЧ-1994 іріктеулеріне қатысты. 1993 жылдың соңында "Он төрттің хаты" деген атпен тарихта қалған Ресей футболшылары "Павел Садыриннің орнына Анатолий Бышовец бапкер боп тағайындалсын" талап қойған ашық хатта Саленконың да қолы қойылған-ды. Кейін Саленко бас тартып, қойған қолын қайтып алды да, әлем чемпионатына баратындардың тізіміне қосылды. Ал, хатқа қол қойған көптеген футболшы әлем чемпионатына бара алмады.

Әлем чемпионатында Саленко алты гол соқты. Алты голдың бесеуін үшінші турда Камерунның қақпасына соғып, бір матчта бес гол (пента-трик) соққан тұңғыш футболшы боп тарихты қалды. Әзірше әлем чемпионаттарында футболшының ол ерлігін осы күнге дейін ешкім қайталай қойған жоқ. Бірақ бұл жетістік құрамаға көмектеспеді, бұдан алдыңғы екі турда Бразилия мен Швециядан (Саленко Швецияға да бір гол соққан-ды) ұтылған Ресей бар-жоғы үш ұпаймен үшінші орында қалды.

Камерунмен ойын Саленконың құрама сапындағы ең соңғы матчы еді. Оны қайтадан ешкім құрамаға шақырмады.

Жетістіктер[өңдеу]

  • Әлем чемпионатының үздік мергені: 1994 (6 гол)
  • КСРО чемпионы: 1990
  • КСРО кубогы: 1990
  • Шотландия чемпионы: 1996

Дереккөздер[өңдеу]

Сілтемелер[өңдеу]