Уикипедия — ашық энциклопедиясынан алынған мәлімет
2012 жылғы финалдың бас кезі.2008 жылғы финалдың аяқ кезі.2008, 2012, 2016 жылдардың чемпионы Усэйн Болт.
100 метрге жүгіру барлық заманауи Олимпиадалардың бағдарламасында болды. Басында сайыстар тек ерлер арасында өткізілді. Әйелдер арасындағы алғашқы жарыс 1928 жылы орын алды.
Сайыстар квалификациялық жүгіруден, ширек финалдан, жартылай финалдан және финалдан тұрады. Бұрын финалға алты спортшы жолдама алатын-ды, ал 1964 жылдан бастап финалға сегіз спортшыдан қатысады.
100 метрге жүгіруден қазіргі олимпиялық рекордты ерлер арасында 2012 жылы ямайкалық Усэйн Болт орнатқан — ол бұл дистанцияны 9,63 секундта жүгіріп өтті. Әйелдер арасында рекордты 2021 жылы ямайкалық Элейн Томпсон-Хера жаңартқан еді — ол осы дистанцияға 10,61 секунд жұмсады.
Бұл дисциплинаға қатысатын спортшылар көбінесе 200 метрге жүгіру және 100 метрлік эстафета сайыстарына да қатысады. Мысалы, 100 метрге жүгіруде чемпион атанған барлық ерлердің ішінде 9 атлет 200 метрлік дистанцияда да алтын медаль жеңіп алған болатын. Оның ішінде Усэйн Болт қатарынан үш рет қос дисциплинаның жеңімпазы болып шыққан — 2008, 2012, 2016 жылдары. Әйелдер арасында сондай жетістікке 7 атлет қол жеткізе алған, оның ішінде Элейн Томпсон-Хера — 2016 және 2021 жылдары.