Ольга зығыры
Ольга зығыры(зығырлар тұқымдасы)
Қазақстандық 12 түрдің ең көзге түсетіні.Ірі қиыршық тасты және тасты беткейлерде,шалғындық алқаптарда,кесілген арша орнында,орталық және Батыс Тянь-Шаньның жоғарғы белдеулерінде өседі.Онша биік емес, 45 сантиметр.Көпжылдық,ұзын,бұтақтанған,көптеген жіңішке таспа тәрізді,көкшіл-жасыл,жоғарыда гүлсағағына ауысады.Түрдің ерекше белгілері-гүлсағағының және тостағанша жапырақшаларының жиегінде ірі жабысқақ бездерінің және қылшықтарының болуы.Гүлдері бес мүшелі,ұшында босаң гүлшоғырына жиналған.Күлтелері ірі, төменгі бөлігі түтікті,ашық күлгін.Түйін бес ұялы,беске бөлінген бағаналы.Зығыр мамыр-шілдеде гүлдейді,жемістері шілде-тамызда піседі.Тамаша декоративті өсімдік,көгалдандыруда қызығушылық тудырады.
Дереккөздер:Қазақстанның өсімдіктер энциклопедиясы.