Оперативтік-стратегиялық бірлестік

Оперативтік-стратегиялық бірлестік (оперативно-стратегическое объеденение) — бірнеше оперативтік бірлестіктен, қарулы күштердің түрлі дербес құрамалары мен бөлімдерінен, әскер түрлерінен, арнайы әскерлер мен қызметтерінен тұратын бірлестік. Ол кейде жоғарғы оперативтік бірлестік деп те аталады. Мұндай бірлестіктерге майдан (бұрынғы КСРО, Жапония), армиялар тобы (АҚШ, Ұлыбритания, Франция т.б.), флот (КСРО, АҚШ, Жапония т.б.) жатады. Әдетте, соғыс уақытында құрылады. Кейбіреулері бейбіт кезде де қызмет атқара береді (мысалы, флот). Мандан және армиялар тобы түріндегі оперативтік-стратегиялық бірлестік Бірінші дүниежүзілік соғыстың бастапқы кезінде қалыптасты.