Оперативтік дайындық

Оперативтік дайындық (оператИвная подготовка) — генералдарды (адмиралдарды), аға офицерлерді және өнеративтік-стратегиялық басқару органдары буындарын дайындаудың негізгі түрі. Ол стратегияның және оперативтік өнердің теориялық негізін үйренуден, лауазымды адамдар мен басқару органдарын операция жүргізуге дайындауға үйретуден, әскерлердің жауынгерлік және жұмылдыру дайындығын жоғары дәрежеде ұстау міндеттерін және әскери қимылдар мен оған дайындық кезінде функциялық міндеттерін орындаудан тұрады. Оперативтік дайындық жауынгерлік дайындықпен тығыз байланыста болады. Оперативтік дайындық негізгі міндеттері: ықтимал қарсыласты және әскери қимылдар театрында болатын әскери іс-қимылдардың ықтимал сипатын зерттеу; генералдардың (адмиралдардың), офицерлердің әскери өнер саласындагы білімдері мен дағдыларын жетілдіру; қойылған міндеттерді орындау кезінде жан-жақты және бірлесе қимылдауды ұйымдастыруды, бағынышытыларға жауынгерлік тапсырмаларды жеткізуді, дәлелді шешім қабылдауды үйретуге дағдыландыру.