Оразалы Сәбденұлы Сәбден

Оразалы Сәбденұлы Сәбден - ҚР Білім және ғылым министрлігі Экономика институтының директоры.

1947 ж. 20 мамырда Оңтүстік-Қазақстан облысы Түлкібас ауданы Вознесеновка ауылында туған.

1970 ж. Қазақ химиялық-технологиялық институтын бітірген, инженер-технолог. Экономика ғылымдарының докторы (1990), профессор (1990). ҚР ИА академигі (1992), ҚР ЖМ ХҒА академигі (1992), ХИА академигі (1992), «Еуразия» ХЭА академигі (1992).

1970- 71 жж. - М.Н. Калинин атындағы Қорғасын зауытының электрослесарі.

1971- 73 жж. - «ҚазМА» тресінің Алматы іске қосу-жөндеу басқармасының слесарі-жөндеушісі.

1973-90 жж. - ҚазКСР ҒА Экономика институтының инженері, аға экономисі, кіші ғылыми қызметкері, аға ғылыми қызметкері, бас ғылыми қызметкері.

1990 ж. - ҚР Жоғарғы кеңесінің ғылым және халыққа білім беру мәселелері жөніндегі комитетінің төрағасы.

1994-95 жж. - ҚР Жоғарғы кеңесінің депутаты, Экономикалық реформа жөніндегі комитетінің төрағасы.

1995 ж. - Қазақстан халықаралық білім бөру консорциумы кеңесінің төрағасы.

1995-2001 жж. - ҚР Парламенті Мәжілісінің депутаты, Әлеуметтік-мәдени даму жөніндегі комитетінің мүшесі.

2001-03 жж. – Қ. А. Иасауи атындағы Халықаралық қазақ-түрік университетінің президенті.

2004-05 жж. - М.Тынышпаев атындағы ҚазККА профессоры.

2005 ж. - «Қазақстан-АҚШ» талдау және болжау институты» ҚҚ президенті.

2006 жылдан - ҚР Білім және ғылым министрлігі Экономика институтының директоры.

«Ғалымдар одағы» РҚБ президенті (2006); ҚР Парламенті Мәжілісінің жанындағы Қоғамдық сарапшылар палатасының мүшесі (2006). Қазақстан Лениншіл комсомолы сыйлығының иегері (1980), ҚР Мемлекеттік сыйлығының иегері (2003).

Мемлекеттік медальдар мен құрмет грамоталарымен марапатталған. 14 ғылыми монографияның, нарықтық экономика, кәсіпкерлік, экономикалық саясат проблемалары бойынша мақалалардың авторы.