Оразақ Смағұлұлы

Оразақ Смағұлұлы
Туған күні	1 қазан 1930 (1930-10-01) (93 жас)
Туған жері	Меңдіқара ауданы, Қостанай облысы, Қазақ АКСР, РСФСР, КСРО
Азаматтығы	Қазақстан
Ғылыми аясы	Антропология, Археология, Этнология
Несімен белгілі	Бірінші және жалғыз Қазақстанның антропологтарының бірі
Марапаттары	Құрмет ордені

Оразақ Смағұлұлы (1 қазан 1930 жылы туған, Қостанай облысы, Меңдіқара ауданы) — ғалым-антрополог, тарих ғылымдарының докторы (1984), Қазақстанның еңбек сіңірген ғылым және техника қайраткері (1998), ҚР ҰҒА академигі (2003).

1955 ж. ҚазМУ-ды (қазіргі әл-Фараби атындағы ҚазҰУ) бітірген. 1959-1961 ж. КСРО ҒА Этнография институтының аспиранты, 1961 жылдан Қазақстан ҒА Тарих, археология және этнография институтының ғылыми қызметкері. Олардың ұйымдастыруымен 36 экспедициялық және далалық зерттеулер жүзеге асырылды. Оның ішінде үнді-кеңес (1974-1975), қазақ-моңғол (1991 — 92) және қазақ-италия (1993-94, 2002-2004), т.б. антропологиялық экспедициялар болды. Ол Қазақстан мен Қырғызстанның биік таулы аймақтарына бейімделу мәселелерін аймақтың этноүрдістерімен байланыстыра зерттейтін халықаралық ғылыми жобаға жетекшілік етті. 200-ден астам ғылыми еңбектің авторы, оның 20-ға жуығы АҚШ, Жапония, Қытай, Үндістан, Түркия, Италия, Германия, Франция, Дания, т.б. шет елдерде жарық көрді. Еңбектерінде қазақтардың генофондының біркелкілігі, 4 мыңжылдық тарихы жайлы ғылыми пікірлер тұжырымдалды. Ш. Ш. Уәлиханов атындағы сыйлықтың иегері (1990).

Баласынан белгілі тек бір қызы бар, Айнагүл Смағұлова.

Екеуіміз жазамыз, екеуіміз ақылдасамыз, екеуіміз шығарамыз. Қалған Қазақстанда маман жоқ. Оразақ Смағұлұлы

Өзінің мұғалімдері деп Виктор Бунакты, Яков Рогинский және Георгий Дебетсті атап кетеді.

Шығармалары:

• Население Казахстана от эпохи бронзы до современности, А., 1970;
• Этническая генеография Казахстана, А., 1970;
• Этническая антропология Казахстана, А., 1982;
• Этническая одонтология Казахстана, А., 1989 (соавт.);
• Абылай хан, Аст., 2003 (телавт.);
• Этническая дерматоглифика казахов, А., 2005 (соавт).

Сыртқы сілтемелер

• Календарь дат и событий Костанайской области на 2010 год, Выпуск 37, Костанайская областная универсальная научная библиотека им. Л. Н. Толстого, Костанай, 2009, стр. 13