Оразкүл Нұрмағамбетова

Уикипедия — ашық энциклопедиясынан алынған мәлімет
Навигацияға өту Іздеуге өту

Оразгүл Нұрмағанбетова (17.4.1923, Қызылорда қаласы – 2003, Алматы) – әдебиет зерттеуші, фольклортанушы-ғалым, филолология ғылыми доктор (1993). ҚазПИ-ді (ҚазҰПУ) бітірген (1943). 1944 жылы Қазақстан Республикасы Халық ағарту комитетінде, 1945 – 1992 жылдары КСРО Ғылым Академиясы Қазақ бөлімшесінде, М.Әуезов атындағы Әдебиет және өнер институтында аспирант (1945), жоғары ғылыми қызметкер (1957), 1961 – 1975 жылдары директордың орынбасары, бөлім меңгерушісі (1975), 1993 жылы Әл-Фараби атындағы Қазақ ұлттық университетінде қызмет істеді. Ғалымның негізгі еңбектері фольклортанудағы өзекті мәселе – ұлттық эпикалық дәстүрді зерттеуге арналған. Ол көптеген ғылыми-танымдық мақалалардың, бірнеше монография мен оқу құралдарының авторы. Нұрмағанбетованың «Совет көп ұлтты әдебиет тарихы», «Қазақ әдебиеті», «Қазақ әдебиетінің тарихы» (1960, 1964, 1968) атты кітаптары бар.[1]

Дереккөздер[өңдеу | қайнарын өңдеу]

  1. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6