Оразғали Алдыбаев

Оразғали Алдыбаев (1920 ж. т., Ақтөбе облысы Байғанин ауданы) – Соц. Еңбек Ері (13.12. 1972). Отбасы 1932 ж. Мақтаарал ауданына көшіп келген. А. 1941 ж. Түркістан педагогикалық училещесін бітірді. 1941 – 42 ж. Мақтаарал ауданында мұғалім болды. 1942 – 46 ж. Қызыл армия қатарында болып, Сталинград, Курск, т.б. шайқастарға қатысты. 1946 – 58 ж. партия, кеңес қызметінде, 1958 – 86 ж. Мақтаарал ауданы Алғабас ұжымшар басқармасының төрағасы қызметін атқарып, мақта өсіруде үлкен жетістіктерге жетті. 1986 жылдан зейнет демалысында. 2 Ленин, Қызыл Жұлдыз ордендерімен, медальдармен марапатталған.