Ораз Мұқанұлы Қожасов

Ораз Мұқанұлы Қожасов (1950, Қостанай облысы Амангелді ауданы) – ұлттық музыка аспаптарын жасаушы шебер.

Ол жастайынан өнерге жақын, он саусағынан өнері тамған, ағаштан түйін түйген, шебер, сан қырлы өнер иесі. Оның жасаған ұлттық асапаптары республика деңгейінде танымал.

• 1969 жылы Алматы жастар эстрада студиясына түсіп, Консерватория профессоры Құбыш Мұхитовтан домбыра класын 1971 жылы өте жақсы бітіріп шығады.
• Туған жері Аманкелдіде музыка мектебінде домбыра класынан сабақ береді.
• Білімін көтері үшін 1975 жылы Алматының П.И.Чайковсский атындағы музыка училищесінде домбыра класына түсіп, 1980 жылы бітіреді.
• Көптеген жылдар музыка саласында жастарды тәрбиелеген ұлағатты ұстаз, домбырада өте шебер ойнайтын дәулескер күйші. Күйшілік өнерді ата-бабасынан қалған ұсталық шеберлікке айырбастаған азамат. Музыка мектебінде жұмыс істей жүріп, балалардың аспаптарын жөндеуден бастаған Ораз шеберлікке бет бұрады.
• 2004 жылы Арқалықтағы Абай Құнанбаев атындағы №6 орта мектепте жұмыс жасай жүріп, шеберхана ашады. Сынған музыка аспаптарын жөндеумен қатар, Қазақстанның әр жерінен табылған домбыралардың небір түрлерін жасап шебер атанады.

Жетістіктері

• Алғаш рет қос мойынды «Қоссаз» домбырасын ҚР премьер министріне сыйға тартқан. «Қоссаз» домбырасы облыстық, Республикалық көрмеде 1-ші дәрежелі дипломмен 2005 жылы марапатталды.
• Оның жасаған домбыра үлгілері бүгінде Арқалық қалалық дала өлкесі мұражайында сақтаулы. Бүгінде Ораз Қожасов жастарды қазақтың ұлттық қол өнерінің қыр сырына баулып жүрген шебер-ұстаз.