Орталық стадион (Алматы)

Уикипедия — ашық энциклопедиясынан алынған мәлімет
Навигацияға өту Іздеуге өту
Орталық стадион

4-ші санаттағы УЕФА стадионы
4 4 жұлдыздан4 4 жұлдыздан4 4 жұлдыздан4 4 жұлдыздан

Орналасуы

Алматы, Қазақстан

Салынған

1958

Ашылған

1958

Жаңартылған

1997, 2004, 2011

Сәулетші

А. Леппик,
А. Қапанов,
А. Косов

Иесі

Алматы муниципалитеті

Сыйымдылығы

23 804

Команда

"Қайрат ФК"

Алаңның өлшемі

105×68 метр

Сайты

centralstadium.kz

Орталық стадион (Алматы) (Қазақстан)

Алматы орталық стадионы — республикадағы ең ірі кешендердің бірі. Стадионның көлемі – 22 га. Сәулетшілері – А.Қапанов пен А.Коссов. Бірінші кезекте – 35 мың орындық трибуна, жеңіл атлетикалық жолдар мен секторлары бар үлкен спорт аренасы 1958 жылдың тамыз айында іске қосылды. Ары қарай кіші спорт аренасы, жаттығатын жеңіл атлетикалық кешен, жүзу бассейні, қысқы жаттығатын манеж, гандбол, теннис, баскетбол, садақпен ату ойындарына арналған алаңдар салынды. Үлкен аренаның трибуна асты ғимаратында бокс, фехтование, үстел теннисіне арналған залдар, киім шешетін бөлме, тренерлердің бөлмелері, республикалық дәрігерлік-дене шынықтыру диспансерінің кабинеттері мен зертханалары, олимпиядаға даярлау орталығының жатақханасы орналасқан. Алматы қаласының Орталық стадионында футбол, жеңіл атлетика, шапшаң жүгіру, коньки тебу, көгалдағы және доппен ойнайтын хоккей, волейбол, бокс және т.б. спорт түрлерінің барлық тарихи бүкілодақтық және халықаралық жарыстары өткізіліп келеді.

Стадион футбол алаңы
6 МАУСЫМ 2009. Дэвид Бекхэм ҚазақстанАнглия ресми ойынында
Орталық стадионның кіреберісі

Бұл орталық стадион ғана емес,сонымен қатар сол кездегі ең ірі сәулет құрылысы болып табылды. Мұнда тек аудан, қала көлеміндегі жарыстарымен қоса халықаралық, Орта Азия қарамағындағы ірі сайыстар мен жарыстар өткен, футболдан әлем чемпионаттары да осы алаңда өтеді.

Ашылу уақытынан бері «Қайрат» клубының негізгі стадионы болып келген. 2011 жылы қазан айында Алматының Орталық стадионына жүгіру жолы күрделі жөндеуден өтіп, жаңа қабат төселді. Су жаңа жүгіру жолы Орталық Азия мен ТМД елдеріндегі тұңғыш жеңіл атлетикалық манеж. Мұндай жеңіл атлетикалық жол әлемде тек Берлин мен Барселона қаласындағы футбол стадионында ғана бар. Алдағы уақытта Алматы осы жүгіру жолында жеңіл атлетикадан Азия кубогы мен ірі халықаралық турнирларды қабылдайтын болады.

Орналасқан жері: Бостандық ауданындағы — Абай даңғылы, 48.[1]

Дереккөздер[өңдеу | қайнарын өңдеу]

Сілтеме[өңдеу | қайнарын өңдеу]