Орта Ақтөбе
Орта Ақтөбе[1] – Қазақстандағы орта ғасырлардан сақталған ежелгі қала орны.[2] Мойынқұм ауданының орталығы Мойынқұм ауылының солтүстік-шығысына қарай 65 км жерде, Шу өзенінің ескі арнасының оң жағалауында орналасқан. 1948 жылы Қазақстан ҒА-ның Орталық Қазақстан археологиялық экспедициялық (жетекшісі Ә.Марғұлан) зерттеген. Қала орны төртбұрышты төбе. Биіктігі 5 – 10 м. Төбе үстінде ауданы 140×90 м2 жазық алаң бар. Алаң айнала бекініспен қоршалған. Бекініс қалдығының биіктігі 1 м. шамасында. Оның ұзына бойында және бұрыштарында биік мұнаралар болғандығы байқалады. Бұл мұнаралар қалдықтарының биіктігі 1 – 1,5 м. Археологиялық зерттеу нәтижесінде табылған заттар (негізінен, қыштан жасалған ыдыстар), қаланың б.з. 8 – 12 ғасырларына жататындығын көрсетеді.
Сілтемелер[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Тараз энциклопедиясы
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |