Орынбай Шойбек

Орынбай Шойбек - (7.5.1953 жылы туған, Түркістан облысы Сарыағаш ауданы "Социализм" ауылы) - жазушы.

ҚазҰУ-ды бітірген. Сарыағаш ауданы "Қызыл ту" газетінде жауапты хатшы, редактордың орынбасары, Көкшетау, Түркістан облысы газеттерінде, облыстық әкімшілікте жауапты қызметтер атқарған. Біраз уақыт республика "Егемен Қазақстан" газетінің Түркістан облысындағы меншікті тілшісі, тәуелсіз "Ар" газетінің бас редакторы болған. Қазір "Ғасыр Ш" баспасының директоры. 1986 жылы "Жалын" журналы мен ҚазақКСР Ішкі істер министрлігінің бірігіп жариялаған жабық бәйгесінде "Қателік" деген шытырман хикаяты үшінші орынды, 1995 жылы "Жалын" баспасы жариялаған дәстүрлі бәйгесінде "Әміршінің әлегі" атты повесі бас жүлдені иеленген. Алғашқы туындылары "Арман қанатында", "Сарыағаш саздары" ұжымдық жинақтарына енген. "Өмір деген осындай", "Тозаңды терезе", "Саңырау құлақ", "Әміршінің әлегі" повестері мен әңгімелері, "Қайғы заман немесе Төле би тағдыры" роман-дилогиясы, т.б. жеке кітап болып шыққын. 2003 жылы шындық деректерге негізделген "Түрмеге түспейтіндер" атты детективті романы жарық көрді. 1999 жылы облысы әкімінің "Алтын қауырсын" жүлдесін, 2001 жылы "Жылдың үздік жазушысы" атағын иеленді.