Отан алдындағы қасиетті борышты абыроймен орындайық (мақала)

Отан алдындағы қасиетті борышты абыроймен орындайық – Қаныш Сәтбаевтың мақаласы. Мұнда КОКП-нің XX съезінің бағдарламаларын іске асыруды қолдап жазған. Қазақстан Кеңес Одағының сарқылмас «қоймасы» ретінде танылып, хромның, ванадийдің, мыстың қорлары жөнінде дүние жүзінде алдыңғы орындардың бірін, темірдің, қорғасынның, мырыштың, күмістің, кадмийдің, молибденнің, вольфрамның қорлары жөнінде КСРО-да бірінші орын алатынын мақтан тұтады. Қазақстандағы Ғылым Академиясы ғалымдарының атқарып жатқан жемісті еңбектеріне тоқталып, жетістіктерін сөз етеді.

Отан үшін әлі де аянбай еңбек етуге дайын екендігін ерекше рухпен жеткізеді. Мақала «Социалистік Қазақстан» газетінің 1956 жылдың 29 шілдесіндегі санында және «Қазақстан — менің Отаным» мақалалар жинағында (1999) жарияланды.