Оттмар Хитцфельд

Оттмар Хитцфельд
Жалпы мағлұмат
Туған күні	12 қаңтар 1949 (1949-01-12) (75 жас)
Туған жері	Лёррах, Германия
Азаматтығы	Германия
Бойы	176
Салмағы	65
Позиция	шабуылшы
Клуб жайлы ақпарат
Клуб	карьерасын аяқтады
Клуб карьерасы 1967—1971 Лёррах 1971—1975 Базель 92 (66) 1975—1978 Штутгарт 77 (38) 1978—1980 Лугано 55 (35) 1980—1983 Люцерн 72 (30) Ұлттық құрамы 1972 ГФР (олимп) 8 (5) Бапкерлік карьерасы 1983—1984 Цуг 1984—1988 Арау 1988—1991 Грассхопперс 1991—1997 Боруссия Дортмунд 1998—2004 Бавария (Мюнхен) 2007—2008 Бавария (Мюнхен) 2008—2014 Швейцария

Оттмар Хитцфельд (нем. Ottmar Hitzfeld; 12 қаңтар 1949 жыл, Лёррах, Германия) — германиялық футболшы, шабуылшы, футбол жаттықтырушысы.

Карьерасы

"Леррах" клубының түлегі.

1971 жылы "Базельге" ауысып, төрт маусым ойнады. Осы аралықта екі рет Швейцария чемпионы атанды.

1975 жылы "Штутгартқа" ауысты. Кейін "Лугано", "Люцерн" клубтарында доп тепті. 1983 жылы бапкерлік карьерасын Швейцария клубтарынан бастады.

1991 жылы ғана Германияға оралып, "Боруссия Дортмунд" бапкері боп тағайындалды. Оттмар "Боруссияны" жаттықтырған жылдары клубта Маттиас Заммер, Андреас Мёллер, Штефан Ройтер, Карл-Хайнц Ридле секілді футболшылар болды, ол футболшылардың пайдасы тимей тұрмады, 1997 жылы клуб УЕФА Чемпиондар лигасында топ жарды, екі рет Германия чемпионы атанды. Осы керемет табыстарға қарамастан, Оттмар мен клуб жетекшілерінің арасында келіспеушілік көбейді, Оттмар клуб ойыншыларын жаңалағысы келгенімен, жетекшілер оны мүлде мақұлдамады. 1997 жылы Оттмарға клуб директоры болуға ұсыныс жасалды, бірақ Оттмар бас тартты.

1998 жылы сәуірде "Бавариямен" келісім шарт жасасты. 1999 жылы "Бавария" екінші орындағы клубты 15 ұпай артқа тастап, Германия чемпионы атанды, ал "Камп Ноудағы" Чемпиондар лигасының аңыз-финалында "Манчестер Юнайтедтен" ұтылып қалды. Бірақ бәрібір Оттмардың бапкерлігімен "Бавария" 2001 жылы Чемпиондар лигасында жеңімпаз атанды, сол жылы Құрлықаралық кубокты да олжалады.

2004 жылы клубтың көрсеткіштері нашарлап кетті де Оттмар "Бавариядан" кетті.

2004-07 жылдар аралағында "Бавария" айтарлықтай табысқа жете алмады, осы кезеңдерде бірнеше бапкер ауыстырды. 2007 жылы қаңтарда Оттмар бәрібір клубқа қайта келді. Бірақ бұл жолғысы сәтті болмады, буын алмастыру кезеңінен оңала алмай жүрген клубты күшейте алмады.

2008 жылы шілдеде Швейцария құрамасын жаттықтыра бастады. Бұл қызметті 2014 жылға дейін атқарды. Осы аралықта екі рет әлем чемпионатына қатысты. 2014 жылғы әлем чемпионатында Швейцария 1/8 финалда Аргентинаға жол берді. Чемпионаттан соң Хитцфельд қызметтен кетті.

Жетістіктері

Ойыншы ретінде

«Базель»

• Швейцария чемпионы (2): 1971/72, 1972/73
• Швейцария кубогы: 1974/75

Бапкер ретінде

«Арау»

• Швейцария кубогы: 1984/85

«Грассхоппер»

• Швейцария чемпионы (2): 1989/90, 1990/91
• Швейцария кубогы (2): 1988/89, 1989/90
• Швейцария суперкубогы: 1989

«Боруссия» Дортмунд

• Германия чемпионы (2): 1994/95, 1995/96
• Германия суперкубогы (2): 1995, 1996
• Чемпиондар лигасы: 1996/97

«Бавария»

• Германия чемпионы (5): 1998/99, 1999/00, 2000/01, 2002/03, 2007/08
• Германия кубогы (3): 1999/00, 2002/03, 2007/08
• Чемпиондар лигасы: 2000/01
• Құрлықаралық кубок: 2001

Жеке

• Швейцария чемпионатының үздік мергені: 1972/73 (18 гол)
• Шыейцария жыл бапкері: 1985
• Әлемдегі жылдың клубтық бапкері (2): 1997, 2001
• УЕФА-дағы жылдың клубтық бапкері: 2001
• Германиядағы жыл бапкері: 2008

Сілтемелер

• Профилі