Ояз Бименов

Ояз Бименов (1934 жылы туған, Төле би ауданы Аққұм ауылы) – еңбек ардагері. Қазақ ауыл шаруашылығы институтын (1955), Мәскеу қаласында жоғары партия мектебін бітірген (1966). Еңбек жолын 1955 жылы бастады. Кеңшар, Шымкент машина-трактор станциясында бас агроном болып істеді. 1962 жылы Оңтүстік Қазақстан өлкесі құрылғанда өлкелік партия комитетіне жауапты қызметке бекітілді. 1973 – 1980 ж. Қазақстан Компартиясы ОК-нің жолдамасымен жаңадан ұйымдастырылған Маңғыстау облысы атқару комитеті төрағасының орынбасары болып 8 жылдай Маңғыстау түбегінде халық шаруашылығын дамытуға үлес қосты. 1980 жылы Қазақ КСР Министрлігінің Кеңесі аппаратына шақырылды. 1984 – 1990 ж. Министрлігі Кеңесі іс басқармасының сектор меңгерушісі, 1990 – 1994 жылы Республика Президенті мен Үкіметі аппаратында азаматтарды кабылдау бөлімінде қызмет атқарды. Еңбек Қызыл Ту орденімен, Бүкілодақтық Халық шаруашылығы жетістіктері көрмесінің 6 рет күміс медалімен, «Қазақстан Республикасы тәуелсіздігіне 10 жыл» медалімен марапатталған. 2001 жылдан Алматы қаласындағы Медеу ауданы ардагерлер кеңесінің төрағасы..