Оңтүстік Торғай шөгінді алабы

Оңтүстік Торғай шөгінді алабы геофизикалық зерттеулермен және бұрғылау жұмыстарымен әркелкі дәрежеде қамтылған. Жоғары деңгейдегі зерттелу дәрежесі горст-антиклиндердің юра-бор түзілімдерінің қимасына, темен деңгей - грабен-синклиндердің қимасына тән. Алап ауқымындағы маңызды деп табылған антиклин типті түтқыштар түгелге жуық бұрғыланған, алайда антиклин емес тұтқыштардан бағдарлы түрде іздеу жұмыстары жүргізілген жоқ. Солай бола тұрса да, геофизикалық мәліметтер соңғы типтегі тұтқыштардың біршама көп екендігін көрсетеді, мұндай тұтқыштар әсіресе юра түзілімдері сүйірлене тамамдалып кететін, грабен-синклиндер мен горст-антиклиндердің бір-бірімен тоғысу белдемдерін- де баршылық. Жаңа кенорындарды іздеудің осы бағыты алап үшін ең перспективалы бағыт болып табылады.