Оңтүстік Қазақстан облысының өнеркәсібі

Уикипедия — ашық энциклопедиясынан алынған мәлімет
Jump to navigation Jump to search

Жалпылама мағлұмат[өңдеу]

Жалпы өңірлік өнім 2013 жыл қорытындысымен 2,1 трлн теңгені құрап, 16,7 пайызға артты (2012 жылы – 1,8 трлн теңге). 5 жылда 3 есеге өсіп, республикадағы үлесі 10-деңгейден 5-деңгейге көтерілді. Өнеркәсіп көлемі 522 млрд теңгені құрап, 5 жылда 2,5 есеге артты. Үдемелі индустриялық-инновациялық даму бағдарламасына 705,2 млрд теңгеге 170 жоба енгізілген. 104 жоба іске қосылған.

Өнеркәсіп табысы[өңдеу]

2014 жылдың 9 айында өнеркісіп орындарында 460,3 млрд теңгенің өнімі өндіріліп, 2013 жылдың сәйкес кезеңімен салыстырғанда 54,6 млрд теңгеге артты. Жалпы 5 жылда өнеркәсіп өнімінің көлемі 2,5 есесге асты. Өңдеу өнеркәсібінде 309,2 млрд теңгенің өнімі өндіріліп, 2,0 пайызға артты. Аталған салада тоқыма бұйымдарын өндіру – 20,2 пайыз, металл емес минералдық өнімдер – 7,2 пайыз, металлургия өнеркәсібі – 20,8 пайызға артты. Жаңа кәсіпорындардың ашылуы және өндірістің кеңеюі есебінен 5661 жұмыс орны ашылды. Облыс экономикасын дамытуға 293,9 млрд теңге инвестиция тартылып, алдыңғы жылдың сәйкес мерзімімен салыстырғанда 6,2 пайызға артты. Негізгі инвестициялық салымдарды шағын кәсіпорындар жүзеге асырған, олардың көлемі 144,4 млрд теңгені құрап, өткен жылдан 23,4 пайызға артты. Жалпы 5 жылда инвестиция көлемі екі есе өсті.

Жаңа жобалар[өңдеу]

“Үдемелі индустриялық-инновациялық” даму бағдарламасы аясында 104 жоба іске қосылып, 9478 жұмыс орны ашылды. 2014 жылы құны 43,3 млрд теңгені құрайтын 41 жобаны іске қосып, соның есебінен 3,1 мың жаңа жұмыс орнын ашу жоспарлануда. Бүгінгі таңда құны 6,9 млрд теңгені құрайтын 6 жоба іске қосылды: 1. “АДЕЛЯ” ШҚ. “11 га жерге жылыжай салу” жобасы (2,5 млрд тг);
2. “Мырзакент” ЖШС. “Замануи мақта өңдеу зауытының құрылысы” жобасы (1200 млн тг);
3. “Оңтүстік Қазақстан аяқ-киім фабрикасы” ЖШС. “Аяқ-киім фабрикасының құрылысы” жобасы (345 млн тг);
4. “Ақсу Энерго” ЖШС. “Қуаттылығы 1 МВт құрайтын күн электр станциясы” жобасы (300 млн тг);
5. “Tectum Engineering” ЖШС. “Шифер зауытының құрылысы” жобасы (1200 млн тг);
6. “Батсу Водоканал” ЖШС. “Қыш өңдеу зауытын қайта құру” (1362 млн тг).

Кәсіпорындардың жұмыс атқару деңгейі[өңдеу]

Бүгінгі таңда “Оңтүстік” индустриалдық аймағында жалпы құны 76,2 млрд теңгені құрайтын 68 инвестициялық жоба (6000-нан аса жұмыс орны) жүзеге асырылуда, оның 31-і іске қосылды (13,9 млрд тг, 2312 жұмыс орны), 2014 жылы 15 жобаны іске қосу, онда 826 жаңа жұмыс орнын ашу жоспарланған. Жобалар ағымындағы жылдың екінші жарты жылдығында жүзеге асырылуда. Аймақтық тиімділігіне сәйкес, жалпы алаңы 835,5 га құрайтын барлық аудан, қалаларда 16 индустриалды аймақтарды құру шешімі қабылданды. Бүгінге Түркістан қаласындағы индустриалық аймақта 8 жобаны іске асыру жұмыстары жүргізілуде. Ағымдағы жылы кәсіпкерлердің өндірісін ұлғайту мақсатында инженерлік инфрақұрылымды дамытуға бюджет есебінен 4,2 млрд теңге қаржы бөлінген. “Оңтүстік” арнайы экономикалық аймағында 19 жоба мақұлданып, 8-і іске қосылды. 11 жоба жүзеге асырылуда.

Қолданылған әдебиеттер[өңдеу]

Өркендеген, көркемдеген Оңтүстік кітабы. “АСА” баспа үйі” ЖШС, 2014