Оңғарбай Қоданов

Оңғарбай Қоданов (1947 жылы туған, Маңғыстау ауданы,Жыңғылды ауылы ) – қорық қызметкері.

• 1980 жылдан бері Маңғыстау табиғат қорғау қоғамының басшысы. Өлкенің жануарлар және өсімдіктер дүниесінің қорғалып, сақталуына көп еңбек сіңірді.
• Оның ұсынысы бойынша Үстірт қорығы, Ақтау – Бозащы қорықшасы, Қарақия-Қаракөл қорықшасы, сонымен қатар Кендірлі және Қарақия аңшылық шаруашылық ашылды.
• 1990 жылы Қазақстанда алғаш рет шетелдік аңшы туристердің өлкеде басқосуын ұйымдастырды.
• ҚР-ның «Қызыл кітабына» енген жойылып бара жатқан жануарлардың 60%-ы Маңғыстау өлкесінің фаунасына жатады. Қоданов осы түрлердің сақталып қалуы үшін баспасөз, радио, теледидар арқылы үгіт-насихат жұмыстарын үздіксіз жүргізеді.
• Маңғыстаудың табиғаты, жануарлар және өсімдіктер дүниесі туралы «Аққулар қайда қыстайды», «Жұмбақты көл, құпиялы теңіз», «Үстірт муфлоны», тағы басқа кинофильмдердің түсірілуіне ат салысты.