Павел Максимович Новиков

Павел Максимович Новиков - 1948 жылы 30 қарашада Тәжік КСР-ындағы Гиссар қаласында туған. Белорус.

Әкесі - Новиков Максим Семенович, марқұм, ҰОС қатысқан, Алматы кірпіш зауытының директоры болып қызмет атқарған. Анасы - Новикова Валентина Николаевна, марқұм, сауда-саттық саласында жұмыс істеген.

В.И. Ленин атындағы Қазақ политехникалық институтының құрылыс инженері факультетін бітірген (1972), құрылыс инженері; Кеңес Одағының маршалы И.С. Конев атындағы Алматы жоғары командалық училищесін экстернмен бітірген (1979); Қазақ мемлекеттік дене шынықтыру институтының спорт факультетін бітірген (1985), жаттықтырушы-оқытушы. КОКП мүшесі (1976-1991). Спорт тақырыбына жазылған мақалалар авторы.

• 1972 жылдан - КСРО Қарулы Күштер құрамында әскери қызметте болған.
• 1974 жылдан - Қарулы Күштер құрамында әскери қызметте болған (қатардағы жауынгерден генерал шеніне дейін көтерілген): 42 спорт ротасының спортшысы, спорт клубының жаттықтырушы-нұсқаушысы, спорт ротасының командирі, 12 әскер спорт клубы бастығының орынбасары.
• 1987 жылдан - Орта Азия әскери округінің Спорт клубының бастығы.
• 1990 жылдан - КСРО Қорғаныс министрлігінің ЦСКА филиалының бастығы (Алматы).
• 1992 жылдан - ҚР Қорғаныс министрлігінің ЦСКА бастығы (Алматы).
• 1993 жылдан бері - ҚР Ұлттық Олимпиадалық комитеттің вице-президенті.
• 1996 жылдан - ҚР Қорғаныс министрлігі Спорт комитетінің төрағасы - ЦСКА бастығы.
• 2002 жылдан - Спорт комитетінің төрағасы - ҚР Қорғаныс министрлігінің Әскери Орталық спорт клубының бастығы. Дене шынықтыру және спорт комитеті Алқасының мүшесі. Қазақстан Футбол Федерациясының техникалық комитетінің төрағасы. ҚР Теннис федерациясының президенті; ҚР Жеңіл атлетика федерациясының президенті. КСРО спорт шебері. Қазақ, Қырғыз, Тәжік КСР-нің Еңбегі сіңірген жаттықтырушысы. ҚР еңбегі сіңген мәдени қызметкері. III дәрежелі «Отанға қызмет еткені үшін» (1989), Қызыл Жұлдыз ордендерімен (1990), «Құрмет» (1996), «Даңқ» ордендерімен (2003), «Республикаға сіңірген еңбегі үшін», «Шеберұстаз» (2005) белгілерімен, 18 медальмен, ҚазКСР Жоғарғы Кеңесінің құрмет грамотасымен марапатталған.

Әскери атағы - генерал-майор.
Діни көзқарасы - атеист.
Саяси қайраткөр ретіндегі идеалы - Н.Ә. Назарбаев.
Хоббиі - футбол, теннис.
Сүйіп оқитын әдебиеті - тарихи әдебиет.

Үйленген. Жұбайы - Новикова Ольга Евгеньевна (1956 ж. т.). Ұлдары - Новиков Семен Павлович (1975 ж. т.), Новиков Максим Павлович (1980 ж. т.). 3 немересі бар.