Павел Михайлович Виноградов

Уикипедия — ашық энциклопедиясынан алынған мәлімет
Jump to navigation Jump to search

Виноградов Павел Михайлович (1889, Ресей, Петербург губерниясы, Гридино селосы — 1932, Алматы қаласы) — қоғам қайраткері, Жетісуда Кеңес өкіметін орнатуға қатысқандардың бірі. Путилов зауыты жұмысшыларымен байланыс жасап, революция күреске белсене араласқаны үшін оны патша үкіметі Томск губерниясына жер аударды. 1913 ж. қашып, Верныйға (қаз. Алматы) келді. Мұнда мұғалім болып жүріп, революция пиғылдағы мұғалімдерден астыртын саяси топ құрды. Топ мүшелері ел арасына 1-дүнүние жүзілік соғыстың империалистік сипатын түсіндіріп, халықты соғысқа қарсы күреске шақырды.

1917 ж. жазда революция қызметі үшін ұсталып, төртіпке салу батальонына жіберілді. Иркутск прапорщиктер мектебін бітіргеннен кейін Омбыдағы 36-полктің рота командирі болды. Полк құрамында орыс-герман соғысына қатысты. Майданда полк командирі, ерекше армия революциясы - соғыс кеңесінің мүшесі болды.

1918 ж. қаңтарда Верныйға майданнан оралып, тұрғындарды Уақытша үкіметтің жергілікті мекемелеріне қарсы күресуге үгіттеді. 1918 ж. 3 наурызда Верный уақытша революциялық комитеттерінің мүшелігіне сайланды, қызыл гвардия отрядтарын ұйымдастырды. Партия комитетінің төрағасы және қалалық Кеңес аткомы төрағасы болын сайланды. 1918 ж. жазда Қытайға делегацияны басқарын барды. 192127 ж. халық ағарту жүйесінде (Ташкент), көсіподақтардың Бүкілодақтық Орталық Кеңесінде (Мәскеу) жауапты қызмет атқарды. Өмірінің соңғы жылдарын Алматыда өткізді. Алматыда оған ескерткіш орнатылған 232 және көшедердің бірі оның есімімен аталады.[1]

Дереккөздер[өңдеу]

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3