Павлова Анна Павловна (Матвеевна)
Павлова Анна Павловна (Матвеевна) (12.2.1881, Петербург,-23.1.1931, Гаага)- орыстың балет артисткасы. Солдат пен кір жуушы әйелдің қызы. 1899ж.Петербург театр училищесін П.А. Гердттің класы бойынша бітіргеннен кейін Мариин театрына қабылданды. 1906ж. балерина атағына ие болды. 1914 жылдан шетелде тұрды. Таңдаулы партиялары: Жизель Пахита(Адан және Дельдевездің осы аттас балеттерінде), Никия Китри(Минкустың "Баядеркасы" мен "Дон Кихотында") т.б. Творчествосы арқылы балет өнерінде жүргізген М.М. Фокиннің реформасында зор игі әсер етті. Ол қойған балет премьераларында Павлова негізгі партияларды биледі. Биінің музыкалық және психологилық тұрғыдан мазмұнды, эмоциялық бояуға толы әрі алуан жанрлы болып келуі оның өнеріне тән қасиет. 1910 жылы өз тобын ұйымдастырып, гастрольдік сапармен Еуропа, Америка және Азия елдерінде өнер көрсетті.
Дереккөздер[өңдеу | қайнарын өңдеу]
Қазақ Совет Энциклопедиясы