Павлодар облыстық музыкалық драма театры

Уикипедия — ашық энциклопедиясынан алынған мәлімет
Jump to navigation Jump to search

Павлодар Облыстық Музыкалық Драма Театры, Жүсіпбек Аймауытов атынд. Павлодар облысы қазақ музыкалы драма театры, 1990 ж. Павлодар қаласында ұйымдастырылған.

Театр шымылдығы сол жылы 7 желтоқсанда М.Әуезовтің “Айман – Шолпан” комедиясы бойынша қойылған спектакльмен (реж. Е.Тәпенов) ашылды. Театр труппасын Алматы мемлекеттік театр-көркемсурет институтының (қазіргі Қазақ мемл. өнер академиясының) драма актерлері (жетекшісі – проф. Р.Қаныбаева) мен муз. комедия (жетекшісі – проф. І.Кенжетаев) бөлімін бітірушілер және Қарағанды режиссері Тәпенов бастап келген С.Бекболатов, А.Жукин, С.Тәжібаев, Р.Тәжібаева сынды сахна шеберлері), Жезқазған (актер М.Манапов) мен Талдықорған (Ж.Шайкина) театрларынан келген актерлер құрады. Театр репертуарынан ұлттық және аударма пьесаларымен қатар муз. шығармалар да елеулі орын алды. Олардың қатарында Ғ.Мүсіреповтің “Ақан сері – Ақтоқты” және “Қозы Көрпеш – Баян сұлу”, Әуезовтің “Қарагөз”, А.Сейдімбек пен Б.Ұзақовтың “Күзеуде”, М.Байсеркеұлының “Абылай ханның ақырғы күндері”, Д.Исабековтің “Әпке”, У.Гаджибековтің “Аршин мал аланы”, И.Кальманның “Сильва” опереттасы, т.б. бар. Театр құрамында симф. оркестр (дирижері Б.Рахымжанов) және бишілер тобы (жетекшісі Б.Қырықбаева) жұмыс істейді. Театр құрамы әр жылдары келген Т.Атамбекова, М.Байжұманов, Ж.Доспаев, М.Доспаева, К.Жексенбаева, Е.Жанайхан, Г.Қайырбекова, Е.Айтпаев, Г.Саймасаева, Б.Шанимов, Д.Ұябаев, Б.Құрбанова, А.Таспаева, Д.Құспанова, Б.Иманғожаев, К.Айтмұрзаев сынды актерлермен толықтырылды.[1]

Дереккөздер[өңдеу]

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8