Панкратов Василий Семенович
Панкратов Василий Семенович(26.01.1864, Алексеевск селосы, қазіргі Мәскеу облысы- 05.03.1925,Ленинград) - орыс жұмысшы революционері. 1879 жылдан революциялық қозғалысқа қатысты. "Халық еркі" жұмысшы ұйымының мүшесі ретінде (1881 жылдан) Петербург, Мәскеу, Киев т.б. қалаларда жұмысшылар арасында насихат жұмысын жүргізді. 1884 жылы 4 наурызда Киевте тұтқындалған кезде қарулық қарсылық көрсетті . 1884 жылы қарашада "12-нің процесі" бойынша 20 жылға каторгаға кесілді. 14 жыл Шлиссельбург қамалында отырды. 1898 жылы Якутияға жер аударылды. 1905 жылы айдаудан қашып шықты, эсерлер партиясына кірді, Мәскеудегі Желтоқсан қарулы көтерілісіне қатысты. 1907 жылы Якутияға қайта айдалды. 1912 жылы Петербургке оралды. 1917 жылы шілдеде "Живое слово" газетінде В.И.Ленинге жала жапқан мақала жазды. Буржуазия уақытша үкімет кезінде "бұрынғы патшаны қорғау жөнінде" комиссар болды.
Қолданылған әдебиет[өңдеу | қайнарын өңдеу]
- Қазақ Совет энциклопедиясы, 1976 жыл, Алматы,9 том,121 бет