Парагвайлықтар

Парагвайлықтар (өз атауы – парагуайо) – Парагвайдың негізгі халқы. Аргентинада, Бразилияда, т.б.елдерде тұрады.

• Жалпы саны 3,8 млн. адам (2003).
• Парагвайлықтар – 17 – 18 ғасырларда үндіс гуаранилер мен осында қоныс аударған испандықтардың араласуынан қалыптасқан.
• Испан тілінде сөйлейді, гуарани тілі де кең тараған.
• Көпшілігі христиан дінінің католик тармағын ұстанады.
• Парагвайлықтар басым бөлігі мал шаруашылығымен және егіншілікпен, орман шаруашылығымен айналысады.
• Баспаналары шикі кірпіштен тұрғызылады, төбесі сабанмен жабылады.
• Тағамдары жүгері, бұршақ, т.б. дәнді дақылдардан дайындалады.
• Сүйікті сусындары – парагв, шай. Қолөнер (тігіншілік, құмыра жасау, т.б.) дамыған.
• Үндіс фольклоры негізінде бай ауыз әдебиеті сақталған.