Парафинді мұнай

Парафинді мұнай - құрамында айтарлықтай мөлшерде еріген парафині бар мұнай. Мұнайдағы парафиндер мөлшері оның массасының 0,2-30%-ға дейінгі немесе одан да жоғары шамасын құрайды. Құрамындағы парафиннің мөлшері жөнінен мұнай аз парафинді (1,8%-ға дейін), парафинді (1,5-6%), жоғары парафинді (6%-дан жоғары) мұнайлар болып жіктеледі. Парафиндер мұнайда шектеулі мөлшерде ғана ериді және бұлардың еруіне температура айырықша әсер етеді, температураның көтерілуімен парафиннің еру қарқыны да жоғарылайды. Парафиндердің еру қарқынына қысым, мұнайдың құрамы, еріген газдың мөлшері мен құрамы, парафиндердің құрамы әсер етеді. Мұнайдың басты сипаттамасының бірі болып оның парафинмен қанығу температурасы саналады, осы температурадан бастап мұнайдан парафин кристалдары бөліне бастайды. Мұндай кристалдарда шайырлар, асфальтендер, майлар т.б. тұнады.