Блез Паскаль
Блез Паскаль (фр. Blaise Pascal, [blεz pas'kal]; 19 маусым, 1623 жыл, Клермон-Ферран, Франция — 19 тамыз, 1662 жыл, Париж, Франция) — 17-ші ғасырда өмір сүрген француз математигі, механигі, физигі, пәлсапашысы, дінтанушысы және әдебиетшісі[1]. Француз әдебиетінің классигі. Математикалық анализдың, ықтималдық теориясының, кескіндік геометрияның негізін салушылардың бірі, гидростатиканың негізгі заңының авторы.
Биографиясы[өңдеу | қайнарын өңдеу]
Блез Паскаль — француз математигі, механигі, физигі, жазушысы, философы және теологы.
1623 жылы 19 маусымда Францияда Салық Басқармасы Төрағасының отбасында дүниеге келген.
1640 жылы Паскальдың алғашқы еңбегі — "конустық қималар туралы тәжірибе"жарық көрді.
1642 жылы, 19 жасында Блез есептеулер жүргізетін жиынтық машинаны құра бастады. 1649 жылы ол өзінің өнертабысы үшін корольдік артықшылыққа ие болды.
Паскаль Математикалық талдаудың, Ықтималдықтар теориясының және проективті геометрияның негізін қалаушылардың бірі, гидростатиканың негізгі заңының авторы болды.
1654 жылы Паскаль ғылыми қызметтен кетіп, христиан дінінің қорғаушысы болды.
Блез Паскаль 1662 жылы 19 тамызда қайтыс болды..
Блез Паскальдың құрметіне аталған[өңдеу | қайнарын өңдеу]
- Айдағы кратер;
- Халықаралық бірліктер жүйесіндегі (SI) қысым мен кернеудің (механикада) өлшем бірлігі - Па;
- Бағдарламалаудың Pascal тілі
- Клермон-Ферандағы екі университеттің бірі;
- жылсайынғы Француз ғылыми сыйлығы (Ресми сайт: http://www.chaires-blaise-pascal.ens.fr/?lang=fr Мұрағатталған 28 наурыздың 2018 жылы.);
- Гомель қаласындағы 46 гимназия;
- NVIDIA компаниясы жасаған GeForce 10 видеокарталар архитектурасы.