Патрик Клюйверт

Уикипедия — ашық энциклопедиясынан алынған мәлімет
Jump to navigation Jump to search
Патрик КлюйвертФутбол
Жалпы мағлұмат
Туған күні 1 шілде 1976(1976-07-01) (43 жас)
Амстердам
Азаматтығы Нидерланд
Бойы 189
Позиция шабуылшы
Клуб жайлы ақпарат
Клуб карьерасын аяқтаған
Карьера
Жастар клубы
1983—1984 Нидерланд Схелингвауде
1984—1994 Нидерланд Аякс
Клуб карьерасы*
1994—1997 НидерландАякс 70 (39)
1997—1998 Италия Милан 27 (6)
1998—2004 Испания Барселона 182 (90)
2004—2005 Англия Ньюкасл Юнайтед 25 (6)
2005—2006 Испания Валенсия 10 (1)
2006—2007 Нидерланд ПСВ 16 (3)
2007—2008 Франция Лилль 13 (4)
Ұлттық құрамы**
1992 Нидерланд (18) 3 (0)
1992—1994  Нидерланд (19) 20 (6)
1994—2004  Нидерланд 79 (40)

* Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

** Ресми матчтарда ұлттық құрамда болған ойындары мен голдар саны.

Патрик Клюйверт (кей елдерде Клайверт, Клуйверт) - нидерланд шабуылшысы, 1976 жылы 1 шілдеде Амстердамда дүниеге келген. 1998 жылғы әлем чемпионатына, 1996, 2000 жылдары Еуропа чемпионатына қатысқан. "Аякс", "Милан", "Барселона", "Ньюкасл" және бірнеше клубтарда доп тепкен.

Өмірбаяны[өңдеу]

Ол Амстердамның "Аякс" клубының алтын буын өкілдерінің бірі. 90-жылдардың ортасында "Аякс" клубы екі рет УЕФА Чемпиондар Лигасының финалына шықтқан. 1995 жылы аталмыш турнирдің финалында "Миланмен" кездесіп, Клюйверт ойын тағдырын шешкен жалғыз допты соқты. 1997-98 жж маусымда "Миланда" ойнап, жарқырай алмады. Әуелі, көшеде тәртіп бұзып, автомобилінен айрылды, сосын оған "қыз зорлады" деген айып тағылып, біраз уақыт басы бәлеге қалды.

1998 жылы Францияда өткен әлем чемпионатына қатысып, алғашқы турдағы Бельгиямен ойында-ақ алаңнан қуылды. Осы жазадан соң тек ширек финалда Аргентинамен болған ойында ғана алңға шықты. 12-минутта есеп ашты. Бұл кездесуде Нидерланд құрамасы 2:1 есебімен жеңіске жетті. Ал жартылай финалда Бразилиямен өткен матчта Клюйверттің голы құрамасы жеңілістен құтқарып қалды. Бірақ пенальтилер сериясында Бразилия бұларды ұтып кетті.

Сол жылы жазда Клюйверт "Барселонаға" ауысты. Клюйверт бұл жақта Ривалдо, Луиш Фигу секілді мықтылармен тізе қоса ойнап, клуб 1999 жылы Испания чемпионатын ұтып алды.

2000 жылғы Еуропа чемпионаты Нидерланд және Бельгияда өтті. Нидерланд чемпиондыққа басты үміткерлердің бірі болды. Топтық турнирдегі үш ойынның бәрінде де қарсыластарын ұтып, 1/4 финалда Югославия құрамасын 6:1 есебімен ойсырата ұтты. Осы ойында Клюйверт хет-трик жасады. Жартылай финалда Италиямен матчта Нидерланд құрамасынан ашықтан-ашық сәттілік бас тартты: ойын барысында алаң иелері екі рет пенальтиді соға алмады, оның бірін екінші таймда Клюйверт тепкен еді, оның үстіне қарсыластары 34-минуттан бастап он адам боп ғана ойнады. Пенальтилер сериясында Нидерланд жеңіліп қалды. Бұл Клюйверттің соңғы Халықаралық турнирі еді: ол 2004 жылғы Еуропа чемпионатына барғанымен, бір минут та алаңға шықпады.

2004 жылы жазда Клюйверт "Барселонадан" кетті. Оны "Ньюкасл" өзіне шақырды. Ол жерде ұзақ тұрақтай алмай, "Валенсия", ПСВ, "Лилль" клубтарында бір маусымнан ғана ойнап, 2008 жылдың жазында өзө мамандығын бапкерлікке ауыстырды.

Жетістіктері[өңдеу]

Нидерланд чемпионы 1995, 1996, 2007
УЕФА Чемпиондар лигасы 1995
Еуропа суперкубогы 1995
Континентаралық кубок 1995
Испания чемпионы 1999

Басқа да деректер[өңдеу]

  • Клюйверт тағы бір Нидерланд құрамасының танымал шабуылшысы — Руд ван Нистелроймен бір жылда, бір күнде дүниеге келген. Бұл екеуінің тағы бір ұқсастығы — Екеуі де Еуропа чемпионаттарына екі реттен қатысып, 6 доптан соққан. Екеуі де әлем чемпионаттарына бір реттен ғана қатысқан.

Сыртқы сілтемелер[өңдеу]

Арнайы сайт