Персептрон

Персептрон (ағыл. perceptron, нем. Perzeptron, лат. perceptio — түсіну, танып-білу, қабылдау) — қабылдап, танып-білу процесін модельдеуге арналған жасанды нейрондық құрылғы.

Сипаттамасы

Персептрон қабылдап тану моделін нейрондардың үш қабаты түрінде сипаттайды:

рецепторлық қабат (S);
түрлендіруші нейрондар қабаты (A);
әсер етуші нейрондар қабаты (R).

Сыртқы тітіркендіргіштердің әсерінен рецепторлық қабатта (S) сигналдар түзіледі. Бұл сигналдар жүйке жолдары арқылы түрлендіруші қабатқа (A) жетіп, өңделеді. Өңделген сигналдар әсер етуші қабаттың (R) нейрондарына беріледі. Нысанды танып-білу нәтижесі R-қабаттағы нейрондардың тітіркену деңгейіне байланысты анықталады.

Қолданылуы

Персептрон термині нысандарды тану, үлгілерді ажырату және қарапайым шешім қабылдау мәселелерін шешуге арналған жүйелерге қатысты қолданылады. Ол жасанды нейрондық желілердің бастапқы модельдерінің бірі болып саналады.

Әдебиеттер

«Қазақстан»: Ұлттық энциклопедия / Бас редактор Ә. Нысанбаев. — Алматы: Қазақ энциклопедиясы, 1998. — ISBN 5-89800-123-9. — VII том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.