Петр Гаврилович Орлов

Петр Гаврилович Орлов(17.10.1934 жылы туған, Ресей, Ростов облысы Новошахтинск қаласы) – техника ғылымының докторы (1981), профессор (1982), ҚР-інің еңбек сіңірген өнертапқышы.

Оқу жолы

Алтай ауылы шаруашылық институты (1956) мен Алтай политехника институтын (1965) бітірген.

Жұмыс жолы

Алтай ауылы шаруашылық институтында ассистент (1956–1958), Барнаул қаласындағы мех. престеу зауытында конструктор, техника есептеу бюросының бастығы (1958–1965), Алматы қаласындағы станок құрылысы зауытында лаборатория бастығы (1965–1969), Қазақ политехника институтында доцент, кафедра меңгерушісі (1969–1987, қазіргі Қазақ ұлттық техника университеті), Қазақ көлік және коммуникация академиясында профессор, кафедра меңгерушісі (1987–1996) болды. 1996 жылдан осы академияда профессор қызметін атқарады. Оның негізгі ғылыми еңбектері табақ металл штамптау автоматымен көп позициялы штамптау және кривошипті престің детальдары мен түйіндерін конструкциялау мәселелеріне, қалдықсыз және қалдығы аз технологияға, детальдардың беріктігін лазерлік және плазмалық жолмен арттыру проблемасына арналған.

Ғылыми еңбектер

120-дан астам ғылыми жарияланымның, оның ішінде 3 монографияның авторы. 6 өнертабыстың иегері.