Петр Иванович Кафаров

Петр Иванович Кафаров

Петр Иванович Кафаров (монахтық есімі – Палладий) (29.9.1817 – 18.12.1878) – орыс шығыстанушысы.

• Қазан семинариясы мен Санкт-Петербургтің діни академиясында оқыған.
• 1840 жылы діни миссия құрамында Пекинге жіберіліп, сонда ара-кідік үзілістермен 38 жыл тұрды.
• Ғылыми зерттеулері Қытайдың, Моңғолияның ежелгі заманғы және орта ғасырлардағы тарихын, маньчжурлардың, қидандардың, тағы басқа көшпелі тайпалардың тарихын зерттеуге арналған.
• “Шыңғыс хан туралы ертедегі моңғол аңызы”, “Даос монахы Чан Чунның Батысқа саяхаты” (1866), “Шыңғыс хан туралы ертедегі қытай аңызы” (1877) атты қытай тіліндегі жазбаларды орыс тіліне аударды. Бұл еңбектер – кезінде жоғары бағаланды.
• Моңғолия арқылы Қытайға жасаған саяхаты, Пекинде болған кезінде жазған күнделіктері бұл елдердің тарихы мен географиясы туралы құнды деректер берді.
• Ол құрастырған “Қытай-орыс сөздігі” (1 – 2 бөл., 1888, өлгеннен кейін шәкірті П.С. Попов аяқтады) мәнді ғылыми еңбек болып бағаланды