Петр Кузьмич Емцов

Уикипедия — ашық энциклопедиясынан алынған мәлімет
Jump to navigation Jump to search

Петр Кузьмич Емцов(5.1909, Ресей, Алтай өлкесі, Рубцовск ауданы,Георгиевка селосы-16.11.1941, Мәскеу облысы,Волоколам ауданы,Дубосеково айырмасы) - 2-дүниежүзілік соғысқа қатысушы, қатардағы жауынгер. Алтай темір жолы желісінде Новосібір станциясында, 1936 жылы есепшілер курсын бітіріп, Алматыда есепші болып жұмыс істеген. 1941 жылдың шілде айында Кеңес әскері қатарына шақырылып, майданға аттанды. Сол жылы 16 қарашада Мәскеу облысы,Волоколам ауданы, Дубосеково темір жолы айырмасында танкіге қарсы шайқасатын топтың құрамында (саяси жетекші В.Г.Клочков бастаған) жаудың бірнеше шабуылына тойтарыс беруге және 18 танкісін жоюға қатысты. Осы шайқаста Емцов ерлікпен каза тапты.Волоколам ауданыны Нелидово деревнясындағы бауырластар зиратына жерленді. Бүл ерлік 28 батыр-панфиловшылар ерлігі деген атпен тарихқа енді. КСРО Жоғарғы Кеңесі Төралқасының Жарлығымен Емцовқа Кеңес Одағының Батыры атағы, Ленин ордені және «Алтын Жұлдыз» медалі берілді (21.7.1942). Батырдың құрметіне Мәскеу қаласы Северное Тушино ауданындағы бір көше Батыр-панфиловшылар көшесі аталып,мемориал орнатылған.Дубосековода мемориал, Нелидово деревнясында (Дубосеково темір жол айырмасынан 1,5 шақырым жерде) батыр-панфиловшыларға еекерткіш орнатылып, мұражай ашылды. Алматы қаласында 28 гвардияшы-панфиловшылар атындағы саябақ бар, онда оларға арналып монумент қойылған. Туған жеріне Емцовтың есімімен бюст орнатылған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х