Петр Филиппович Железняков

Уикипедия — ашық энциклопедиясынан алынған мәлімет
Jump to navigation Jump to search

Петр Филиппович Железняков(17.11.1918, Семей қаласы - 25.9.1951) - 2-дүниежүзілік соғысқа қатысушы, гвардия майоры, эскадрилья командирі, ұшқыш. Қаржы-экономикалық техникумын бітірген. 1939 жылы Кеңес әскері қатарына шақырылған.1941 жылы Орынбор әскери ұшқыштар мектебін бітіріп,1942 жылдың тамызында майданға жіберілді. 108-гвардиялық шабуылдаушы авиация полкінің (1-Украина майданы, 2-әуе армиясы, 2-гвардиялық шабуылдаушы авиациялық корпус, 6-гвардиялық шабуылдаушы авиациялық дивизиясы эскадрилья командирі Железняков 1945 жылдың мамыр айына дейін 125 жауынгерлік тапсырмамен жаудың 16 ұшағын, 87 автокөлігін, 16 танкісін өртеп, 5 зениттік батареясын қиратты және 3 оқ-дәрі мен жанармай коймасын жарып жіберді. Осы ерліктері үшін Железняковқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.6.1945). Ленин, 3 рет Қызыл Ту, Александр Невский, «Қызыл Жұлдыз» ордендерімен, медальдармен марапатталды. 1945 жылы Жоғары авиациялық офицерлер мектебін бітірді. 1951 жылы ұшағы апатқа ұшырап, қаза тапты. Семей қаржы-экономикалық колледжінің ғимаратына мемориалдық тақта орнатылып, мұражай ашылған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х