Пионер ауылдық округі (Жамбыл облысы)

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауылдық округі
Пионер ауылдық округі
Облысы

Жамбыл облысы

Ауданы

Жамбыл ауданы

Округ орталығы

Пионер

Енеді

2 ауыл

Тұрғыны (2009)

1913

Уақыт белдеуі

UTC+6:00

Автомобиль коды

08

Пионер ауылдық округіЖамбыл облысы Жамбыл ауданындағы әкімшілік бірлік.

Әкімшілік құрамы[өңдеу]

Құрамына Пионер, Шайдана ауылдары кіреді. Орталығы – Пионер ауылы.[1] Жер көлемі - 75624,2 га.

Халқы[өңдеу]

Тұрғыны 1913 адам (2009).[2] Ауылдық округте Сартбаев атындағы орта мектеп, Шайдана бастауыш мектебі, ауылдық клуб, кітапхана, дәрігерлік амбулатория, мед.пункт бар. Ауылдық округ аумағында Ащыбұлақ, Қосмұрат ата, Көделі, Қызыл жайлаулары орналасқан.

Ауыл маңы[өңдеу]

  • Ащыбұлақ - Пионер ауылының батыс жағындағы шағын мал жайылымы. Оның Ащыбұлақ аталу себебі - ерте кезде бұл жердің суын мал ішпейтін тұзды бұлағы болған. Ащыбұқлақтың суын тұрғындар көктем, жаз, күз айларында асқазан, тері ауруларын емдеуге пайдаланған, тұзын мал жалауға пайдаланған.
  • Тасқұдық - тастан өрілген терең құдық, қысы-жазы суы сарқылмайды.
  • Көкбастау - айналасы көкорай шалғын бұлақ.
  • "Ақби" жайылымы - адам атымен аталған Мойынқұмдағы "Пионер" асыл тұқымды қой шаруашылығының жайлауы.
  • Базар сөресі - Көделі жайлауларында бәйгеде қойылған белгі.
  • Көделі жайлауы - ол жерде малға жұғымды, қысы-жазы көгеріп өсіп тұратын "көде" деген шөптің атауымен аталған.
  • Кішкене тау деп аталатын төбе - Талас ауданына асатын белде аяқталады.
  • "Қосмұрат ата" жайлауы - ауыл маңында шөбі шүйгін, қысы-жазы малға жайлау болған.
  • "Қызыл" жайлауы - тастары қызыл болғандықтан атаған.[3]

Дереккөздер[өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
  2. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том
  3. Жамбыл облысының топономикалық атауларының анықтамалығы