Пиролиз (Мұнай және газ)

Органикалық қосындыларды жоғары температуралар әсерімен құрылымдық өзгерістерге ұшырату нәтижесінде бір қалыптан екінші қалыпқа көшіру. П. нәтижесінде заттардың құрылымдық өзгерістерімен қатар олардың изомерлену реакциялары, конденсаттануға ұшырауы, т.с.с. процестер де көрініс беруі ықтимал. Мұнайдың және оның фракцияларының П.-денуі әдетте "крекинг" деп аталады. П. температурасы органикалық қосындылардың термикалық тұрақтылығымен анықталады. Органикалық қосындылардың кейбір топтарының П.-і бөлме температурасы жағдайында да өтуі мүмкін. Қазба органикалық заттардың П.-і әдетте жүздеген градус температура жағдайында жүзеге асады. П. мұнай мен оның ауыр фракциялары есебінен әр түрлі химиялық шикізаттарды, жанармайлар мен жағармайларды алу мақсатын көздейгін оларды өңдеу процестерінің бірі болып табылады. Қазба органикалық заттардың табиғи П.-і жапсарлы метаморфизм жағдайында да жүзеге асуы мүмкін.