Плексит

Уикипедия — ашық энциклопедиясынан алынған мәлімет
Навигацияға өту Іздеуге өту

Плексит (лат. pleus — өрім) — жүйке жүйесінің қабынуы. Аурудың пайда болуына алған жарақаттар, жұқпалы және омыртқа аурулары, т.б. себеп болады. Мойын және иық жүйке өрімі зақымданса, адамның мойны және қолы қатты сырқырап ауырады, қолдың бұлшық еттері әлсізденіп, бұлшық ет семе бастайды, яғни атрофияға ұшырайды, қолдың сезімталдығы төмендейді. Мұндай өзгерістер, әсіресе, білек пен саусақтарда айқын байқалады. Қолдың бұлшық етінің әлсізденуі нәтижесінде иықты қозғалту қиындай түседі. Бел-сегізкөз Плекситінде, адамның қабынған жерлері қатты ауырып, бұлшық ет семе бастайды. Науқастың саны мен балтырының сезгіштік қасиеті төмендейді. Соның нәтижесінде жамбас-сан буындары сырқырап ауырып, тізе буындары иіліп-бүгілмейді. Плекситті емдеу оның себептеріне байланысты. Плекситті емдеуді оның бастапқы белгілері пайда болысымен дәрігердің тағайындауы мен бақылауы бойынша неғұрлым ертерек бастаған жөн.

Дереккөздер[өңдеу | қайнарын өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том