Полат Бижанұлы Қынатов

Полат Бижанұлы Қынатов 1933 жылы 5 желтоқсанда Түркістан облысы Ордабасы ауданының Алтынтөбе ауылында туған. Қазақ. Қазақ химия-технологиялық институтын бітірген (1958), силикат өнеркәсібі инженер-технологы. Ғылыми еңбектер мен өнертапқыштықтардың, «На волнах памяти» мемуарлық кітабының авторы (2010). 1958 жылдан - ауыспалы шебер, зертхана және ТББ бастығы; 1966 жылдан - Шымкент цемент зауытының бас инженері. 1970 жылдан - Қарағанды цемент зауытының директоры. 1975 жылдан - өзі пайдалануға енгізген Жаңа Қарағанды цемент зауытының директоры. 1976 жылдан - Шымкент қаласының асбестцементтік құрылымдар комбинатының директоры. 1979 жылдан - Республикалық «Қазцемент» өнеркәсіптік бірлестігінің бастығы, ҚазКСР құрылыс материалдары өнеркәсібі министрінің бірінші орынбасары. 1984 жылдан - Састөбе цемент зауытының ақ және түсті цементтер өндірісі жөніндегі директоры. 1985 жылдан - ҚазКСР Министрлер кеңесі Аппаратының жауапты қызметкері. 1988 жылдан - ҚазКСР Мемлекеттік құрылысы бас басқармасының бастығы. 1991 жылдан - ҚазКСР Мемлекеттік сәулет құрылысы Құрылыс индустриясы, құрылыс материалдары және стандарттау бас басқармасының бастығы. 1993 жылдан - дербес зейнеткер, Құрылыстағы стандарттау және техникалық нормалар бас басқармасының бастығы. 1995 жылдан - ҚР Құрылыс министрлігі министрінің кеңесшісі. 1996 жылдан -«Қарағанды шахта құрылылысы» АҚ сыртқы экономикалық байланыстар жөніндегі вице-президенті. 1998 жылдан-ҚР Энергетика министрлігі жанындағы Құрылыс істері жөніндегі комитет төрағасының кеңесшісі. 2006 жылдан бері - «Орал цемент компаниясы» цемент зауытының құрылыс жөніндегі бас техникалық кеңес берушісі. Жапония мен Қытайда кеңес делегациясының мүшесі ретінде осы елдердегі цемент өнеркәсібінің жағдайын және оның әрі қарай даму тенденцияларын зерттеген. VI Халықаралық конгресінің Дүниежүзілік цементшілер форумының делегаты. Еңбек Қызыл Ту орденімен; ҚазКСР Жоғарғы Кеңесінің медальдары мен қурмет грамоталарымен марапатталған. ҚР өнеркәсібі цемент саласының ардагері. ҚР Құрметті құрылысшысы (2009). Үйленген. Жұбайы - Қынатова Раиса Хұсайынқызы. Балалары - Баян, Марат, Роса, Жәмила. Немерелері - Әмір, Лаура, Әйгерім, Әділ, Кәмила, Айша, Шолпан, Сабина.