Полигон

Уикипедия — ашық энциклопедиясынан алынған мәлімет
Навигацияға өту Іздеуге өту

Полигон (гр. polygonos көп бұрышты) — қару-жарақ пен әскери техникаға сынақ жүргізуге, әскерлердің (флот күштерінің) жауынгерлік дайындықтары бойынша шаралар және тактика аумағында зерттеулер жүргізуге арналған үстіндегі әуе кеңістігін қамтитын құрлықтағы немесе теңіздегі арнайы бөлінген және жабдықталған өңір; тәжірибелік және сериялық қару-жарақ пен әскери техника сынақ жүргізуге, әскерлердің (флот күштерінің) қатысуымен шаралар өткізуге арналған ғылыми-зерттеу (сынақтан өткізу) мекемесі (ұйымы). Полигондар тұрақты және уақытша (бір жолғы сипаттағы жеке міндеттерді орындау үшін), арналуыла қарай ғылыми-зерттеулік (сынақ жүргізу), оқу-жаттығулық (әскери, теңіз) және зауыттық, сынақтан өткізілетін құралдардың түріне қарай — ядролық,ракеталық,артиллериялық, зениттік, танкілік, атқыштар, авиациялық, торпедалық, инженерлік, автомобильдік, байланыс және т.б. болып бөлінеді.

Ғылыми-зерттеу (сынақ жүргізу) полигондары қару-жарақ пен әскери техниканың эксперименттік, тәжірибелік және сериялық үлгілерін (кешендерін) шындыққа жақын жағдайларда сынақтан (полигондық өндеуден) өткізуге, жауынгерлік дайындық жоспары бойынша ракета ұшыруға, бомба тастауға және атыс жүргізуге арналады.

Оқу-жаттығу (әскери, теңіздік) полигондары оқу-жаттығу жүргізу және ракета ұшыру, бомба тастау, торпедалық, артиллериялық және басқа атыстар жүргізу, мина қою үшін, сондай-ақ жеке құрамның жаттығуларын өткізуге арналады.

Зауыттық полигондар (қорғаныс өнеркәсібінің кәсіпорындарына жатады) қаружарақ пен әскери техника кешендері үлгілерін немесе олардың жеке элементтерін игеру мен сынақтан өткізуге, конструкциялық және сызбалық шешімдер нұсқаларын эксперименттік тексеруге, анықталған кемшіліктері мен ескертулерді түзеу жөніндегі жұмыстар, кешендік агрегаттар мен жүйелердің қиылыстырылу сапасын, қару-жарақ сапасын тексеруге, оның атыс дәлдігін тексеріп, қалпына келтіруге арналады.[1]

Дереккөздер[өңдеу | қайнарын өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ , 2001 жыл