Поликистозды бүйректер
Поликистоз бүйректің эмбрион дәуірінде дұрыс дамуынан пайда болатын туа пайда болған кемістік, өлген кісілердің 0,3-0,4 пайызында кездеседі.
Патогенезі[өңдеу | қайнарын өңдеу]
Торсылдақтардың пайда болуы бүйрек өзекшелері мен жинаушы өзектердің бір-біріне өз мерзімінде жалғанбағандығымен түсіндіріледі.
Бүйрек шумақшаларында түзілген несеп жинаушы өзектерге өтпестен іркіліп қалып бүйрек өзекшелері кеңіп торсылдаққа айналады. Олар үлкейген сайын бүйрек паренхимасын езіп-жаншып бірте-бірте бүйрек қызметі бүтіндей бұзылады.
Патологиялық анатомиясы[өңдеу | қайнарын өңдеу]
Поликистозды бүйректер өте үлкейіп, олардың массасы 1-2 килограмға дейін жетеді. Бүйректі сыртынан және кесіп көргенде олардың үлкенді-кішілі, іші мөлдір мұйықтықпен немесе коллоидты заттармен толған, кисталардан тұрады. Микроскопта кисталардың іші бір қабатты текше тәрізді эпителиймен қапталғаны, бүйрек шумақтары санының өте азайып кеткендігі байқалады. Егер поликистоз процесі бүйрек, бауыр, ұйқы безі және тұқым бездерінде бірге кездессе, онда поликистозды сырқат деп аталады. Поликистозды бүйректері бар аурулар уремиядан өледі.[1]
Дереккөздер[өңдеу | қайнарын өңдеу]
- ↑ Т.,"Ж.Б.Ахметов,Патологиялық анатомия,1993 ж.,146 б.,ISBN 5-630-00264-3