Поль Массон
Поль Массон  | |||||||||||||||||||||||||
 | |||||||||||||||||||||||||
| Жалпы мәлімет | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Толық есімі |
фр. Paul Michel Pierre Adrien Masson | ||||||||||||||||||||||||
| Азаматтығы | |||||||||||||||||||||||||
| Туған күні | |||||||||||||||||||||||||
| Туған жері | |||||||||||||||||||||||||
| Қайтыс болған күні | |||||||||||||||||||||||||
| Қайтыс болған жері | |||||||||||||||||||||||||
| Шабандоз туралы мағлұмат | |||||||||||||||||||||||||
| Мамандануы |
трек | ||||||||||||||||||||||||
| Карьерасы кезіндегі командалары | |||||||||||||||||||||||||
| Медальдары | |||||||||||||||||||||||||
| |||||||||||||||||||||||||
Поль Массон (11 қазан 1876 жыл, Мұстағаним, Алжир - 30 қараша 1944 жыл, Канн, Франция) — 1896 жылы Афинада өткен Жазғы Олимпиада ойындарына қатысқан француз велошабандозы. Үш дүркін Олимпиада чемпионы[1].
Спорт
[өңдеу | қайнарын өңдеу]1895 жылы Массонның Францияның әлем чемпионатына ұлттық құрама сапында қатысу өтініші алғашында қабылданбады, алайда сол жылдың соңында ол екі ірі жарыста жеңіске жетіп, құрамға енуге мүмкіндік алды[2].
Массон 1896 жылғы Жазғы Олимпиадада 19 жаста болды және ол сол күні үш трек жарысына қатысып, үшеуінде де жеңіске жетті. Оның алғашқы жарысы Нео Фалирон велодромындағы 2 км (1,2 миль), 6 айналымнан тұратын спринт болды. Бұл жарыста небәрі үш қатысушы мәреге жетті, ал неміс Йозеф Роземейер жарыстың басында-ақ шықты. Массон бұл жарыста грек Стаматиос Николопулос пен отандасы Леон Фламаннан екі секунд озық келіп жеңіске жетті[3][4].
Массонның келесі жарысы 10 км немесе 30 айналымнан тұрды, оған тағы бес шабандоз қатысты. Жарыстың басында екі грек спортшысы соқтығысып, жарыстан шығып қалды. Жарысты Массон мен оның командаласы Фламан және австриялық Адольф Шмаль жалғастырды. Жарыс өте тартысты өтті және Массон Фламанды аз ғана басымдықпен артта қалдырды[5].
Оның соңғы жарысы — уақытқа жарыс болды. Бұл бір айналымдық жеке жарыс еді. Массон жеті қарсыластың арасында 24 секундта мәреге жетіп, екінші орындағы Николопулостан толық екі секундқа жылдамырақ болды[2].
Олимпиададан кейін ол кәсіби велошабандоз атанып, есімін «Массон» сөзінің кері оқылған түрі — Пол Нассом деп өзгертті. Алайда ол кәсіби мансабында үлкен жетістіктерге жете алмады. Ең үздік нәтижесі — 1897 жылы Шотландияның Глазго қаласында өткен кәсіпқойлар арасындағы спринт бойынша әлем чемпионатында үшінші орын иеленуі болды.