Поляр киті

Уикипедия — ашық энциклопедиясынан алынған мәлімет
Навигацияға өту Іздеуге өту
Поляр киті

Поляр киті мен адамды салыстырған сурет
Поляр киті мен адамды салыстырған сурет
Амандық күйі
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Киттәрізділер
Кіші сабы: Mysticeti
Тұқымдасы: Balaenidae
Тегі: Balaena
Linnaeus, 1758
Түрі: B. mysticetus
Екі-есімді атауы
Balaena mysticetus
Linnaeus, 1758

Поляр китін тек Солтүстік жартышарда, Арктикалық суларда кездестіруге болады. Басы денесінің 40 пайызын құрайды. Поляр китінің терісі қара, көк түсті. Тұмсығының төменгі бөлігінде ақ дақтары болады. Жаңа туған ұрпағының түсі - көк сұр. Ересек аталықтарының салмағы - 60 т, ұзындығы 18 метрге дейін жетеді, ал аналықтарының ұзындығы 20 метрді құрайды.

Поляр китін кейде Гренландия киті, кейде Артика киті деп те атайды. Гренландия китінің ұртында салбыраған күміс түсті мұртшасы және 350 жұп қара ұрт тілімшелері бар. Олар жұмсақ денелі омыртқасыздармен қоректенеді. Поляр киті аузын ашып жүзеді. Сумен бірге кірген ұсақ жәндіктер ұрт тілімшелері арқылы сүзіліп, асқазанына түседі. Шағылысу кезеңі көктемде, яғни сәуір мен маусым айларының аралығында өтеді. Олар шамамен 3 жыл сайын өмірге ұрпақ алып келеді. Ал буаздық кезеңі 10 айға созылады. Поляр киті бір сүңгігенде 200 метр тереңдікте сүңгиді. Бұл кит сағатына 20 шақырым жүзеді. Өздерінен өте нәзік ультрадыбысты толқындар шығарады. Поляр киті шағын топ болып тіршілік етеді. Поляр киті шамамен 40 жыл өмір сүреді.[2]

Дереккөздер[өңдеу | қайнарын өңдеу]

  1. Үлгі:IUCN2012.2
  2. Акулалар, Дельфиндер және киттер .-Алматы: "Аруна" баспасы. -Сер: "1100 қызықты деректер" ISBN 978-9965-26-553-2