Попокатепетль

Уикипедия — ашық энциклопедиясынан алынған мәлімет
Jump to navigation Jump to search
Попокатепетль

Попокатепетль (ис. Popocatépеtl)[1] —тоғыз миллион тұрғыны бар Мексика астанасы Мехикодан бар болғаны 70 шақырым[2]. жерде орналасқан жанартау. Попокатепетль Мексикадағы ең үлкен жанартаулардың ішіндегі ең қауіптісі болып саналады. 2000 жылы осы жанартаудың аяқ асты оянуы он мыңдаған адамның басқа аймаққа көшуі мен мұздықтардың жаппай еріп кетуіне алып келді. Науатль тілінен аударғанда Попокате́петль сөзі «Тұтанған тау» дегенді білдіреді. Бір кездері жергілікті тұрғындар арасында бұл жанартау «сөніп қалған» деген түсінік қалыптасқан болатын. Алайда кейін «отты тау» өзінің әлі де қуаты сарқылмағанын сан мәрте көрсетіп, халық арасында тараған жоғарыдағы әңгіменің жалғандығын дәлелдеді. Дегенмен оның баурайына шоғырланған халықтың жанартауға деген құрметі шексіз. Себебі ондағы топырақ құнарлығы аса жоғары саналғандықтан, ол жерде халық тұрмысында қолданылатын маис (жүгерінің бір түрі) өсімдіктерінің алқабы жайқалып тұрады. Попокате́петльде туризмнен бөлек, альпинизм де жақсы дамыған.

Дереккөздер[өңдеу]

<references>

  1. VOLCANISM PROGRAM
  2. [1]