Портал:Ұлы Османлы Мемлекеті/Таңдаулы мақала
Таңдаулы мақала
I Ахмет (осман. آحمد اول — Âhmed-i evvel, түр. Birinci Ahmet; ақындық лақап аты — Бахти (түр. Bahtî); 18 сәуір 1590 жыл — 22 қараша 1617 жыл) — Ұлы Османлы Мемлекетінің 14-ші сұлтаны, Ислам халифатының 93-ші халифі, ақын, зергер.
I Ахмет 1590 жылы Манисада дүниеге келді. Өзінің ізашарларынан айырмашылығы — санжақбей болып тағайындалмай, таққа отыруына дейін тек сарайда ғана өмір сүрді.
1603 жылы 13 жасында таққа отырды. Таққа отыру рәсімінде өзінің жасына қарамастан, Осман Ғази қылышын жеке өзі беліне байлап, биік таққа уәзірлердің көмегісіз отырды. Рәсімнен кейін жаңа жас сұлтан уәзірлерімен кеңесіп, жаңа шеріктер мен басқа жауынгерлерге жалақы төлеп, пәтерлерге орналастырды. Содан кейін ол ат үстінде Константиние көшелерімен жүріп, османлы халқына өзін көрсетті.
