Португалия Ұлттық футбол құрамасы

Уикипедия — ашық энциклопедиясынан алынған мәлімет
Jump to navigation Jump to search
Португалия Ұлттық футбол құрамасы
Логотип
Лақап Selecção das Quinas (Таңдаулылар командасы)
Конфедерация УЕФА
Федерация Португал футбол федерацияcы
Негізгі. бапкер Португалия Паулу Бенту
Капитан Криштиану Роналду
Ең көп
ойын саны
Луиш Фигу (127)
Үздік
бомбардир
Педру Паулета (47)
ФИФА рейтингі 11 (17.07.2014)
ФИФА коды POR
Форма
Негізгі
форма
Форма
Қонақтық
форма
Бірінші ойын
Испания Испания 3:1 Португалия Португалия
(Мадрид, Испания; 18 желтоқсан 1921)
Ең ірі жеңіс
Португалия Португалия 8:0 Лихтенштейн Лихтенштейн
(Лиссабон, Португалия; 18 қараша 1994)
Португалия Португалия 8:0 Лихтенштейн Лихтенштейн
(Коимбра, Португалия; 9 маусым 1999)
Португалия Португалия 8:0 Кувейт Кувейт
(Лейрия, Португалия; 19 қараша 2003)
Ең ірі жеңіліс
Португалия Португалия 0:10 Англия Англия
(Лиссабон, Португалия; 25 мамыр 1947)
Әлем чемпионаты
Қатысу 4 (бірінші 1966)
Жетістік Bronze medal world.svg3-ші орын, 1966
Еуропа чемпионаты
Қатысу 4 (бірінші 1984)
Жетістік Silver medal europe.svg2-ші орын, 2004

Португалия Ұлттық футбол құрама командасы (порт. A Selecção Nacional de Futebol de Portugal/Clube de Portugal) — Португалияны халықаралық футбол турнирлері мен достық матчтарда ұсынады.

Португалия құрамасы футболдан әлем чемпионатында алғаш рет 1966 жылы қатысты. Жартылай финалда болашақтағы әлем чемпионы Англия құрамасына жеңіліп, португалдықтар 3-ші орынды алды. Келесі рет Португалия әлем чемпионатына тек 1986 жылы квалифицикацияланды, ал кейін екі рет турнирдің топтық кезеңінен шығып кетіп тек 2002 жылы ғана қатысты.

Әлем чемпионаттарында[өңдеу]

1966 жылы Португалия бірінші рет әлем чемпионатына қатысып, Мажарстан, Болгария және Бразилия құрамаларымен бір топқа түсті. Бірінші турда Мажарстан құрамасымен кездесіп, 3:1 есебімен жеңіске жетті. Ал келесі турдағы Болгариямен матчта әйгілі Эйсебио өзінің чемпионаттағы тоғыз добының алғашқысын соқты. Бұл матчта да португалдар қарсыластарына еш мүмкіндік қалдырған жоқ — 3:0. Үшінші турда Бразилияның өзі бұларға төтеп бере алмады. Айта кетейік, бұл ойында Пеле жарақатына орай жақсылап ойнай алмады, нәтижесінде Португалия 3:1 есебімен ұтып, топта бірінші орын алды да, Бразилия үшінші орында қалып, елдеріне қайтты.

Ширек финалда Солтүстік Корея футболшыларымен кездесті. Ойынның 23-минутында азиялықтар 3:0 есебімен алда тұрды. Бірақ осыдан соң ғана қамшы басқан португалдар бес гол соғып, жартылай финалға өтті. Бес голдың төртеуін Эйсебио соқты. Жартылай финалда алаң иелерімен терезесі тең ойында 1:2 есебімен ұтылды. Бұл ойынның тартымды өткені сонша, 27-минутқа дейін бір рет те ойын тәртібі бұзылмапты! Ал үшінші ойын үшін матчта КСРО құрамасын 2:1 есебімен ұтып, қола жүлдені иеленді.

Мұнан соң құрама тек 1986 жылғы ғана әлем чемпионатына қатыса алды. Бірақ соңғы, шешуші ойында күтпеген жерде Мароккодан 1:3 есебіменг ұтылып қалып, топтан шыға алмады. Келесі әлем чемпионатына 16 жылдан соң ғана барды. Бұл жолы да екі рет ұтылып, 1/8 финалға өте алған жоқ. Айта кетейік, топтық турнирдің соңғы турындағы Кореямен болған ойында (0:1) португалдар 66-минутта тоғыз-ақ ойыншы боп қалды.

2006 жылғы әлем чемпионатында құрама жақсы ойнады. Топта бірінші орын алды да, 1/8 финалда Нидерландыны ұтты: 1:0. Бұл ойында рекордтық көрсеткіш тіркеліп, төрт футболшы алаңнан қуылды. 1/4 финалда Англиямен 120 минут бойы айқасып, ақыр соңында тірліктің бәрі пенальтилерге кеп тірелді. Бұл жерде португалдардың бағы жанды. Ал жартылай финалда Франциядан (0:1), үшінші орын үшін матчта Германиядан (1:3) ұтылып қалды.

2010 жылы болашақ чемпион Испанияға есе жіберді. 2014 жылы топтан шыға алмады.

Еуропа чемпионаттарында[өңдеу]

Еуропа чемпигнатына алғаш рет 1984 жылы қатысып, жартылай финалға дейін жетті. Алаң иелері Франция құрамасын қосымша уақыттарда 2:1 есебімен ұтып тұрды да, екі доп жіберіп алды. Кейін Франция Еуропа чемпионы атанды. Осыған ұқсас жағдай 2000 жылы да қайталанды. Тағы да жартылай финал. Тағы Франция. Тағы да есепте алда тұрып, екі доп жіберіп алды. Тағы да Франция Еуропа чемпионы атанды.

Төрт жыл өткен соң Еуропа чемпионаты Португалияда ұйымдастырылды. Португалдар алғашқы ойында күтпеген жерде Грекиядан 1:2 есебімен ұтылып қалды. Абырой болғанда, бұдан кейінгі ойындарда ұтып, топта бірінші орын алып, 1/8 финалға өтті. 1/8 финалда ежелгі қарсылас - Англиямен ойнады. Үшінші минутта-ақ Майкл Оуэн бұлардың қақпасына гол соқты — 0:1. Португалдың жанкүйерлер жауап голды 80-минут бойы күтуге тура келді. 83-минутта Элдер Поштига есепті теңестірді. 110 минутта Руи Кошта алға шығарғанымен, 115 минутта Лэмпард қайтадан тең нәтижені орнатты. Пенальтилер сериясында Португалия басым болды. Жартылай финалда турнирдің тағы бір фавориті Нидерланд құрамасын 2:1 есебімен ұтып финалға шықты. Финалда баяғы Грекия тағы жолықты. Бұл жолы да гректер басым түсті, 0:1. Португалия күміс жүлдені қанағат тұтты.

2008 жылы ширек финалда Германиядан ұтылды — 2:2. 2012 жылы жартылай финалда пенальтилер арқылы Испанияға жол берді.

2016 жылы Аустрия, Мажарстан, Исландия құрамаларымен бір топқа түсіп, үшеуімен де тең ойнады. Нәтижесінде үшінші орынмен 1/8 финалға шықты. Ол раундта қосымша уақыттарда ғана Хорватияны ұтты — 1:0. Ширек финалда Польшаны пенальтилер арқылы тізе бүктірді. Жартылай финалда ғана Уэльсті айқын басымдықпен ұтып (2:0) финалға шықты.

Финалда Португалияның белді ойыншысы Криштиану Роналду 23-минутта жарақат алып, алаңнан кетті. Матч француздардың басымдығымен өтіп, Португалияның жеңісімен аяқталды. 110-минутта Эдердің соққан голы матч тағдырын шешті. Португалия Еуропа чемпионы атанды.

Жетістіктері[өңдеу]

  • Еуропа чемпионы: 2016
  • Еуропаның күміс жүлдегері: 2004
  • Еуропаның қола жүлдегері: 1984, 2000, 2012
  • Әлемнің қола жүлдегері: 1966
  • Конфедерациялар кубогының қола жүлдегері: 2017

Әлем чемпионаттарындағы мергендері[өңдеу]

Ойыншы Гол саны 1966 1986 2002 2006 2010 2014
Эйсебио 9 9
Педру Паулета 4 3 1
Жозе Аугушту 3 3
Криштиану Роналду 3 1 1 1
Жозе Аугушту Торриш 3 3
Манише 2 2
Симау Саброса 2 1 1
Тьягу Мендиш 2 2
Антонио Симойнш 1 1
Бету Севару Роберту 1 1
Карлос Мануэль 1 1
Деку 1 1
Диамантино Миранда 1 1
Уго Алмейда 1 1
Лиедсон 1 1
Нани 1 1
Нуну Гомеш 1 1
Рауль Мейрелиш 1 1
Руй Кошта 1 1
Силвестре Варела 1 1
Бары 43 17 2 6 7 7 4
Автоголдары

Сілтемелер[өңдеу]